សារព័ត៌មាន នគរវត្ត តែងតែនាំមុខគេជានិច្ច
ផ្លូវចុងក្រោយដើម្បីទទួលបានកៅអីតំណាងគ្រប់ចំនួន២៧០ បេក្ខភាពចូបៃឌិន និងដូណាល់ ត្រាំ គឺត្រូវឆ្លងកាត់រដ្ឋ Pennsylvania, Michigan និង Wisconsin រដ្ឋទាំងបីបានធ្វើឲ្យគណបក្សប្រជាធិបតេយ្យចាញ់យ៉ាងឈឺចាប់បំផុតក្នុងឆ្នាំ២០១៦។ ចំពោះលោកបៃឌិន ការបោះឆ្នោតលើកនេះផ្តោតសំខាន់ទៅលើរដ្ឋ ទាំងបីខាងលើ។
រដ្ឋGeorgia អាចប្រែទៅជាពណ៌ស្វាយដោយសារតែតំបន់ជាយក្រុងផ្លាស់ប្តូរយ៉ាងឆាប់រហ័ស ចំណែករដ្ឋ Arizona វិញ កំពុងតែទប់ទល់នឹងការឆ្លងវីរុសកូវីដ-១៩ ហើយបានងាកទៅគាំទ្រគណបក្សប្រជាធិបតេយ្យវិញ។
នៅពេលនេះ លោកបៃឌិន និង លោកត្រាំ មានសំឡេងគាំទ្រប្រកៀកគ្នាក្នុងការទទួលបានកៅអីតំណាងគ្រប់២៧០។ ដើម្បីទទួលបានសំឡេងគ្រប់គ្រាន់គឺត្រូវយកឈ្នះនៅរដ្ឋទាំងបី។ នៅពេលនេះអាចនិយាយបានថា លោកបៃឌិនបានយកឈ្នះក្នុងរដ្ឋមួយក្នុងចំណោម៣រដ្ឋខាងលើ គឺរដ្ឋ Wisconsin ហើយបើយកឈ្នះក្នុងរដ្ឋពីរទៀត នឹងទទួលបានជ័យជម្នះ១០០ភាគរយតែម្តង។
មកដល់ម៉ោង ១៩ និង៣០ នាទីថ្ងៃទី៤ខែវិច្ឆិកា (ម៉ោងនៅកម្ពុជា )លទ្ធផលនៃការបោះឆ្នោតអាមេរិកមិនមានការប្រែប្រួលនោះឡើយ ដោយលោកបៃឌិន រក្សា កៅអីតំណាង ២៣៨ និងលោកត្រាំ ២១៣ ដដែល។ ចំណែកសន្លឹកឆ្នោតសកលវិញ លោកបៃឌិន ទទួលបាន69.021.814 សន្លឹក ។ ចំណែកលោកត្រាំទទួលបាន តែ 66.731.000សន្លឹក៕ដោយ៖ធី រីណា
