សារព័ត៌មាន នគរវត្ត តែងតែនាំមុខគេជានិច្ច
រដ្ឋ Arizona ដែលបានគាំទ្រលោកត្រាំក្នុងការបោះឆ្នោតនៅឆ្នាំ២០១៦ នោះ ពេលនេះបានងាកមកគាំទ្រ លោកបៃឌិនវិញហើយ ។ នៅមុខអគាររដ្ឋាភិបាលក្នុងទីក្រុង Phoenix រដ្ឋPhoenix បុរសពីរនាក់ប្រដាប់ដោយកាំភ្លើងយន្តឈរនៅមុខទីកន្លែងរាប់សន្លឹកឆ្នោត ។ កាលពីយប់ថ្ងៃទី៥ខែវិច្ឆិកា មានក្រុមអ្នកគាំទ្រលោកត្រាំប្រមាណ២០០នាក់បាននាំគ្នាទៅកាន់ទីនោះទាមទារឲ្យឈប់រាប់សន្លឹកឆ្នោត។
ពេលនេះនៅក្នុងរដ្ឋ Georgia ដែលមានពលរដ្ឋរស់នៅដល់ទៅ១១លាននាក់ មានកៅអីតំណាងដល់ទៅ១៦ កំពុងតែរាប់សន្លឹកឆ្នោត ដោយពេលនេះមានសំឡេងគាំទ្រប្រហាក់ប្រហែលគ្នា ។ ពីមុនលោកត្រាំនាំមុខនៅក្នុងរដ្ឋនេះដល់ទៅជាង៧សែនសន្លឹក តែពេលនេះនាំមុខតែ ៦៦៥សំឡេងប៉ុណ្ណោះ។
នៅក្នុងរដ្ឋGeorgia លោកបៃឌិនទទួលបានសំឡេងគាំទ្រសរុប ២.៤៤៧.៥១៨សន្លឹក ។ ចំណែកលោកត្រាំវិញ ទទួលបាន ២.៤៤៨.១៨៣។ ដូច្នេះលោកត្រាំ នាំមុខតែ៦៦៥សំឡេងប៉ុណ្ណោះ។ នៅក្នុងរដ្ឋ Georgia លោកបៃឌិននៅមានសង្ឃឹមយកឈ្នះ ហើយបើឈ្នះនោះលោកត្រាំមិនមានឱកាសទៀតឡើយ។ បច្ចុប្បន្នការរាប់សន្លឹកឆ្នោតនៅក្នុងរដ្ឋGeorgia បាន៩៨ភាគរយហើយ។
កាលពីការបោះឆ្នោត ឆ្នាំ២០០០ នៅក្នុងរដ្ឋ Florida មានដល់ទៅ ២៩កៅអីតំណាង ពេលនោះ លោកGeorge W. Bush ទទួលបានជ័យជម្នះ ដោយមានសំឡេងលើសគូប្រជែងតែ៥៣៧សំឡេងប៉ុណ្ណោះ ហើយកៅអីតំណាងទាំង២៩ បានទៅលោកប៊ូសទាំងអស់៕ដោយ៖ធី រីណា
