សារព័ត៌មាន នគរវត្ត តែងតែនាំមុខគេជានិច្ច
អាមេរិក៖ ក្រុមការងាររបស់លោកត្រាំ បានព្យាយាមរារាំងរដ្ឋPennsylvania ប្រកាសលទ្ធផលបោះឆ្នោត ហើយជ័យជម្នះបាននៅលើលោកបៃឌិន ។
សារព័ត៌មានរ៉យទ័របានផ្សាយថា មេធាវីរបស់លោកត្រាំ បានបញ្ជូនពាក្យបណ្តឹងទៅកាន់តុលាការរដ្ឋPennsylvania ចោទប្រកាន់សន្លឹកឆ្នោតមួយចំនួនដែលបោះតាមប្រៃសណីយ៍មិនស្របច្បាប់។
ក្នុងពាក្យបណ្តឹងបានប្តឹងទម្រង់បោះឆ្នោតតាមប្រៃសណីយ៍មិនមានតម្លាភាព។ មិនតែប៉ុណ្ណោះ ក្រុមការងាររបស់លោកត្រាំបានចោទប្រកាន់មន្ត្រីក្នុងតំបន់ថាបំពានរដ្ឋធម្មនុញ្ញ ។ ក្រុមការងាររបស់លោកត្រាំបានចោទប្រកាន់ប្រព័ន្ធបោះឆ្នោតមិនមានតម្លាភាព គឺក្នុងពេលបោះឆ្នោតផ្ទាល់បានត្រួតពិនិត្យយ៉ាងតឹងតែង ចំណែកការបោះឆ្នោតតាមប្រៃសណីយ៍មិនមានការរឹតបន្តឹងសោះ។
អភិបាលរដ្ឋ Pennsylvania លោក Josh Shapiro បានលើកឡើងថា ពាក្យបណ្តឹងរបស់លោកត្រាំ មិនមានភស្តុតាងគ្រប់គ្រាន់ឡើយ ។ លោកបន្តទៀតថា ច្បាប់ក្នុងរដ្ឋPennsylvania ត្រូវបានអនុម័តយ៉ាងរឹងមាំ ហើយការជ្រើសរើសរបស់ពលរដ្ឋត្រូវបានគោរព ។
ក្រុមអ្នកជំនាញបានលើកឡើងថា បើទោះបីក្រុមលោកត្រាំបន្តប្តឹងផ្តល់ក្តី ក៏មិនអាចផ្លាស់ប្តូរលទ្ធផលក្នុងការបោះឆ្នោតបានដែរ ៕
ដោយ៖ធី រីណា
