សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ជនសង្ស័យ២នាក់ជិះម៉ូតូមួយគ្រឿងឌុបគ្នាធ្វេីសកម្មភាពឆក់យកកាបូបស្ពាយពីនារីម្នាក់បានសម្រេចហេីយព្យាយាមគេចខ្លួន តែត្រូវបានប្រជាពលរដ្ឋស្ទាក់ចាប់ជាប់វាយឡើងទ្រមខ្លួនទេីបប្រគល់ជូនសមត្ថកិច្ច ចំណែកនារីរងគ្រោះដួលរងរបួសស្រាល។
ហេតុការណ៍នេះបានកេីតឡេីងកាលពីវេលាម៉ោង៨ព្រឹកថ្ងៃទី១៤ខែវិច្ឆិកាឆ្នាំ២០២០ នៅចំណុចក្បែររបងវត្តអង្គតាមិញ ស្ថិតក្នុងភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
ជនសង្ស័យទី១-ឈ្មោះម៉ែន សៀម ភេទប្រុស អាយុ២២ឆ្នាំ ស្នាក់នៅភូមិស្លែងរលើង សង្កាត់ទឹកថ្លា ខណ្ឌសែនសុខ និងជនសង្ស័យទី២ឈ្មោះសុខ ប្រុសពេជ្យ អាយុ១៨ឆ្នាំ មុខរបរមិនពិតប្រាកដ ស្នាក់នៅភូមិគោកចំបក់ សង្កាត់ចោមចៅទី១ ខណ្ឌពោធិ៍សែនជ័យ។
ចំណែកជនរងគ្រោះឈ្មោះ វុន គន្ធា ភេទស្រី អាយុ២៩ឆ្នាំ មានស្រុកកំណេីតនៅខេត្តកំពង់ឆ្នាំង ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញនារីម្នាក់ជិះម៉ូតូម៉ាកធូដេពណ៌ក្រហម ពាក់ស្លាកលេខភ្នំពេញ1CB-9688 ធ្វេីដំណេីរតាមបណ្តោយផ្លូវបេតុងខាងកេីតវត្តអង្គតាមិញក្នុងទិសដៅពីជេីងទៅត្បូងដោយដាក់កាបូបស្ពាយពាក់នឹងកម៉ូតូខណៈមកដល់ចំណុចកេីតហេតុស្រាប់តែមានជនសង្ស័យចំនួន២នាក់ជិះម៉ូតូម៉ាកស៊ុយហ្ស៊ុយគីស្មាស់វី ពណ៌ខ្មៅ ពាក់ស្លាកលេខភ្នំពេញ1CO-8961 មកពីក្រោយរួចធ្វេីសកម្មភាពឆក់យកកាបូបពីនារីរងគ្រោះបានសម្រេច និងបណ្តាលឲ្យនារីរងគ្រោះដួលម៉ូតូរងរបួសរលាត់ដៃជេីង ។ បន្ទាប់មកជនសង្ស័យបានព្យាយាមជិះម៉ូតូគេចខ្លួន តែត្រូវបានប្រជាពលរដ្ឋឃេីញក៏ដេញតាមស្រែកថាចោរៗទេីបចាប់បាននិងវាយទ្រមខ្លួនរួចប្រគល់ទៅឱ្យសមត្ថកិច្ចចាត់ការតាមច្បាប់៕ដោយ៖ សុខាសែនជ័យ
