សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បុរសម្នាក់សង្ស័យស្រវឹងបេីករថយន្តស៊េរីទំនើបក្នុងល្បឿនលឿនដល់ផ្លូវបំបែកបួងចង្កូតមិនទាន់ក៏ជ្រុលបុកចូលហាងលក់ស្រាក្រឡុកខណៈភ្ញៀវកំពុងអង្គុយផឹកបណ្តាលឲ្យរត់ជាន់ជើងគ្នារងការខូចខាតសំណាងមិនមានមនុស្សរងរបួស។
ហេតុការណ៍នេះបង្កការភ្ញាក់ផ្អើលកាលពីវេលាម៉ោង១០និង២០នាទីយប់ ថ្ងៃទី២៧ ខែវិច្ឆិកាឆ្នាំ២០២០ នៅចំណុចមុខអគ្គិសនីកម្ពុជា សាខាទួលពង្រ ផ្លូវបេតុង ភូមិទួលពង្រ សង្កាត់ចោមចៅទី១ ខណ្ឌពោធិ៍សែនជ័យ។
តាមសាក្សីនៅកន្លែងបានឲ្យដឹងថា មុនពេលកេីតហេតុគេសង្កេតឃេីញថា ទីតាំងខាងលេីកំពុងទទួលភ្ញៀវជាច្រេីនចូលអង្គុយផឹកស្តាប់តន្ត្រីយ៉ាងសប្បាយ ខណៈមកដល់វេលាកេីតហេតុស្រាប់តែមានរថយន្តម៉ាកAudiពណ៌សពាក់ស្លាកលេខភ្នំពេញ2BL 7897 បើកបរដោយបុរសម្នាក់ធ្វេីដំណេីរតាមបណ្តោយផ្លូវបេតុងក្នុងទិសដៅពីជេីងទៅត្បូងក្នុងល្បឿនលឿនលុះមកដល់ចំណុចកេីតហេតុក៏បួងចង្កូតមកខាងឆ្វេងតែមិនទាន់ក៏ជ្រុលទៅបុកចូលហាងស្រាក្រឡុកពេញទំហឹងបណ្តាលឲ្យរងការខូចខាតចំណែកភ្ញៀវកំពុងអង្គុយផឹកស៊ីរត់ជាន់ជេីងគ្នាតែសំណាងមិនមានមនុស្សរងរបួស។
ក្រោយកេីតហេតុសមត្ថកិច្ចមូលដ្ឋានបានចុះមកដល់ចំណុចកេីតហេតុនិងទាក់ទងទៅជំនាញមកធ្វើការវាស់វែងយករថយន្តទៅរក្សាទុករង់ចាំដោះស្រាយតាមច្បាប់៕
ដោយ៖សុខាសែនជ័យ
