សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តសាំយ៉ុងបេីកបរលឿនជ្រុលទៅបុកម៉ូតូជនជាតិចិនកំពុងតែជិះម្នាក់ឯងបត់ឆ្លងផ្លូវដួលរបួសធ្ងន់ជេីងម្ខាង។
ហេតុការណ៍នេះបានកើតឡើងកាលពីវេលាម៉ោង១០និង១០នាទីព្រឹកថ្ងៃទី៤ ខែធ្នូ ឆ្នាំ២០២០ នៅចំណុចតាមបណ្តោយផ្លូវអូសុីអាយសុី ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
រថយន្តម៉ាកសាំយ៉ុង ពណ៌ស ពាក់ស្លាកលេខភ្នំពេញ 2AT-6912 បេីកដោយបុរសម្នាក់។ចំណែកម៉ូតូម៉ាកហុងដាវ៉េវ ពណ៌ខ្មៅ ពាក់ស្លាកលេខ ភ្នំពេញ1CO-9727 បេីកដោយបុរសជនជាតិចិនម្នាក់។
ប្រភពព័ត៌មាននៅកន្លែងកើតហេតុបានឲ្យដឹងថា នៅពេលកើតហេតុម៉ូតូបានបេីកបរតាមបណ្តោយផ្លូវបេតុងក្នុងទិសដៅពីត្បូងទៅជើង ខណៈមកដល់ចំណុចកើតហេតុបានបត់ឆ្វេងជិតផុតទៅហើយក៏ស្រាប់តែមានរថយន្តមួយគ្រឿងបានបេីកបរក្នុងទិសដៅពីជេីងទៅត្បូងតាមបណ្តោយមហាវិថីអូសុីអាយសុីក្នុងល្បឿនយ៉ាងលឿនក៏ជ្រុលទៅបុកម៉ូតូបណ្តាលឱ្យដួលរងរបួសជេីងស្តាំធ្ងន់ត្រូវបានសមត្ថកិច្ចហៅរថយន្តសាមុយមកដឹកយកទៅសង្រ្គោះបន្ទាន់នៅមន្ទីរពេទ្យកាល់ម៉ែត។
បន្ទាប់ពីកើតហេតុសមត្ថកិច្ចជំនាញចរាចរណ៍បានចុះមកវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌជ្រោយចង្វា រង់ចាំដោះស្រាយគ្នានៅពេលក្រោយ៕
ដោយ៖ជ្រោយពេជ្រ
