សារព័ត៌មាន នគរវត្ត តែងតែនាំមុខគេជានិច្ច
កម្មវិធីចាក់វ៉ាក់សាំងប្រឆាំងកូវីដ-១៩ របស់អង់គ្លេសទទួលបានការតាមដានយ៉ាងយកចិត្តទុកដាក់ពីសហគមន៍អន្តរជាតិដោយសារតែវ៉ាក់សាំងខាងលើផលិតដោយក្រុមហ៊ុន អាមេរិក Pfizer សហការជាមួយក្រុមហ៊ុនBioNTechរបស់អាល្លឺម៉ង់។
នៅថ្ងៃទី៨ ខែធ្នូ (ពេលវេលានៅអង់គ្លេស)កម្មវិធីចាក់វ៉ាក់សំាងនឹងចាប់ផ្តើម ក្រោយពីទទួលបានវ៉ាក់សាំង៨សែនដូសពីមជ្ឈមណ្ឌលផលិតរបស់ក្រុមហ៊ុន Pfizer ក្នុងប្រទេសបែលហ្សុិក។
កម្មវិធីចាក់វ៉ាក់សាំងទទួលបានការចាប់អារម្មណ៍ដោយសារតែអង់គ្លេសគឺជាប្រទេសទីមួយដែលចាក់វ៉ាក់សាំងប្រឆាំងកូវីដ-១៩ជូនដល់ពលរដ្ឋ ហើយមិនមែនជាវ៉ាក់សាំងផលិតនៅក្នុងស្រុករបស់ខ្លួនឡើយ។
កន្លងមករុស្ស៊ីក៏បានចាក់វ៉ាក់សាំងប្រឆាំងកូវីដ-១៩ Sputnik V ផលិតដោយប្រទេសនេះនៅទីក្រុងមូស្គូ ដោយសង្ឃឹមថានឹងទប់ស្កាត់ការឆ្លងកូវីដ-១៩បានយ៉ាងល្អនៅចុងឆ្នាំ២០២០នេះ។ រុស្ស៊ីបានចាប់ផ្តើមចាក់វ៉ាក់សាំងប្រឆាំងកូវីដ-១៩នៅទីក្រុងមូស្គូតាំងពីថ្ងៃទី៥ខែធ្នូ ដោយមានទីតាំងចំនួន៧០កន្លែងបានរៀបចំឡើងដើម្បីចាក់វ៉ាក់សាំង នេះ។
នៅពេលនេះអង់គ្លេសនឹងប្រើប្រាស់យន្តហោះដឹកជញ្ជូនយោធាដើម្បីដឹកវ៉ាក់សាំងពីប្រទេសបែលហ្សុិកយកមកផ្គត់ផ្គង់ឲ្យបានទាន់ពេលវេលា៕ដោយ៖ធី រីណា
