សារព័ត៌មាន នគរវត្ត តែងតែនាំមុខគេជានិច្ច
ខេត្តបាត់ដំបង៖សាកសពបុរសម្នាក់ត្រូវបានកសិករម្នាក់ប្រទះឃើញនៅក្នុងប្រឡាយទឹក ធ្វើឲ្យមានការភ្ញាក់ផ្អើលកាលពីរសៀលថ្ងៃទី១២ ខែធ្នូ ឆ្នាំ ២០២០ មានករណីបុរសម្នាក់សង្ស័យបានលង់ទឹកប្រឡាយស្លាប់ នៅត្រង់ចំណុចប្រឡាយទឹក ឋិតក្នុងក្រុមទី ២៥ ភូមិកណ្ដាលត្បូង ឃុំគោកឃ្មុំ ស្រុកថ្មគោល ខេត្តបាត់ដំបង។
បើតាមស្ត្រីម្នាក់ជាកសិករឈ្មោះ វ៉ាន់ ស្រីមុំ ភេទស្រី អាយុ៣៥ឆ្នាំបានរៀបរាប់ឲ្យដឹងថា÷ អ្នកស្រីជាមួយនិងស្វាមីនៅរសៀលម៉ោងប្រមាណជា ២និង០០នាទីបាននាំគ្នាទៅពិនិត្យមើលស្រែក្បែរភូមិនៅត្រង់ចំណុចខាងលើក៏បានប្រទះឃើញសាកសពបុរសម្នាក់អណ្តែតទឹកនៅក្នុងប្រឡាយទឹកដោយមិនបានដឹងថា÷បុរសបានលង់ទឹកតាំងពីពេលណាមកនោះទេរួចក៏បានរាយការណ៍ទៅដល់សមត្ថកិច្ចមូលដ្ឋានដើម្បីមកចុះពិនិត្យមើលនិងស្រង់យកមកដាក់លើគោក ដើម្បីពិនិត្យបន្តសមត្ថកិច្ចបានបញ្ជាក់ឲ្យដឹងដែរថា÷ សាកសពបុរសម្នាក់និងមានឈ្មោះហុន សំណាង ភេទប្រុស អាយុ៤៧ឆ្នាំ រស់នៅក្នុងក្រុមទី២៤ ភូមិកណ្ដាលត្បូង ឃុំគោកឃ្មុំ ស្រុកថ្មគោល។
ក្រោយការពិនិត្យរួចកម្លាំងនគរបាលជំនាញអធិការស្រុកបានអះអាងថា÷បុរសម្នាក់បានស្លាប់ដោយសារលង់ទឹកប្រឡាយ នៅមុនកើតហេតុសង្ស័យបុរសបានដើរទៅស្រែរអិលជើងលង់ទឹកអាចមានសភាពខ្យល់គរ ខណៈកំពុងនៅតែឯងទើបជួបរឿងអកុសលបែបនេះ។
សមត្ថកិច្ចបានបន្តថា៖សាកសពបុរសដែលសង្ស័យខ្យល់គរលង់ទឹកប្រឡាយស្លាប់នោះ ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕ស សារ៉េត
