សារព័ត៌មាន នគរវត្ត តែងតែនាំមុខគេជានិច្ច
ស្ថានភាពផ្អាកដំណើរការដោយសារតែគាំងម៉ាស៊ីមេរបស់ក្រុមហ៊ុន Google, Gmail និង YouTube ធ្វើឲ្យប៉ះពាល់យ៉ាងខ្លាំងដល់សេវាកម្មនៅលើពិភពលោក នាព្រឹកថ្ងៃទី១៤ខែធ្នូ ដោយសារតែ គាំងម៉ាស៊ីនមេ។
គាំងបណ្តាញ Google ធ្វើឲ្យមនុស្សរាប់លាននាក់ដែលប្រើប្រាស់សេវាកម្មរបស់ក្រុមហ៊ុន Google ត្រូវជាប់គាំង។ ជាមួយគ្នានេះបណ្តាញផ្ញើសារអេឡិចត្រូនិក Gmail YouTube ឬ Google Documents (ឯកសាររក្សាទុកក្នុងគណនីGoogle)មិនអាចចូលទៅមើលបានឡើយ ក្នុងរយៈពេលជាច្រើនម៉ោងនៅព្រឹកថ្ងៃចន្ទនេះ។
ក្នុងរបាយការណ៍ដែលបានប្រកាសលើបណ្តាញDownDetector ការគាំងម៉ាស៊ីនមេរបស់ក្រុមហ៊ុនយក្សរបស់អាមេរិកនេះត្រូវបានគេដឹងទូទាំងពិភពអាមេរិក ធ្វើឲ្យបណ្តាញជាប់គាំងទាំងស្រុង រយៈពេល១២ម៉ោងនៅបារាំង ។
ក្រុមហ៊ុនដែលមានមូលដ្ឋាននៅ Mountain View មិនទាន់មានប្រតិកម្មចំពោះការគាំងដែលគួរឲ្យបារម្ភនោះឡើយ។ ការជាប់គាំងធ្វើឲ្យក្រុមហ៊ុនជាច្រើន និងបុគ្គលផ្អាកប្រើប្រាស់បច្ចេកទេស។
ប៉ុន្មានថ្ងៃមុន បណ្តាញផ្ញើសាររបស់ ហ្វេសប៊ុកក៏បានជាប់គាំងផងដែរ ដោយមិនអាចផ្ញើសារចេញឬទទួលសារតាម Messenger បានឡើយ ក្នុងរយៈពេលពេញមួយថ្ងៃ៕ដោយ៖ធី រីណា
រូបថត៖Reuters
