សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តក្រឡុកស៊ីម៉ងត៍មួយគ្រឿងបានក្រឡាប់ផ្ងារជេីងខណៈកំពុងបេីកបរហេីយបានជៀសគ្នាជាមួយរថយន្តមួយគ្រឿងទៀត តែដោយសារជៀសជ្រុលធ្លាក់ផុតចិញ្ចើមផ្លូវបេតុងធ្វើឱ្យក្រឡាប់ផ្ងារជេីងតែម្តង។
ហេតុការណ៍នេះបានកេីតឡេីងកាលពីវេលាម៉ោង១១និង៤០នាទីព្រឹកថ្ងៃទី២២ ខែធ្នូ ឆ្នាំ២០២០ នៅចំណុចជិតវត្តតាភេម តាមបណ្តោយផ្លូវបេតុង ក្នុងភូមិតាភេម សង្កាត់កំបូល ខណ្ឌកំបូល រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុ គេបានឃេីញរថយន្តក្រឡុកស៊ីម៉ងត៍ ពណ៌ស ពាក់ស្លាកលេខភ្នំពេញ5A-2971 បេីកបរតាមបណ្តោយផ្លូវបេតុង ក្នុងទិសដៅពីត្បូងទៅជេីង ខណៈមកដល់ចំណុចកេីតក៏បានជៀសពីរថយន្តមួយគ្រឿងទៀតដែលបើកបញ្ច្រាសទិសគ្នា ហេីយបានជៀសជ្រុលមកខាងស្តាំពេកក៏ធ្លាក់ផ្លូវបេតុងក្រឡាប់ផ្ងារជេីងតែម្តង ប៉ុន្តែសំណាងដែរដែលមិនមានប៉ះពាល់ដល់មនុស្សនិងទ្រព្យសម្បត្តិរដ្ឋ។
ក្រោយកេីតហេតុសមត្ថកិច្ចមូលដ្ឋានបានចុះទៅដល់រួមប្រគល់រថយន្តឲ្យម្ចាស់ស្ទូចយកទៅជួសជុលខ្លួនឯង៕
ដោយ៖សុខា សែនជ័យ
