សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី២៣ ខែ ធ្នូ ឆ្នាំ២០២០ វេលាម៉ោង០១ និង ០០នាទី កំលាំងអធិការនគរបាលខណ្ឌ៧មករា បានឃាត់ខ្លួនជនសង្ស័យចំនួន១នាក់ ពីបទលួចមានស្ថានទំងន់ទោស ( ម៉ាសុីនក្រឡុកកាហ្វេ និង ម៉ាសុីនកិនកាហ្វេ ) នៅចំណុច ក្នុងតូបមុខផ្ទះលេខ ២០Eo ផ្លូវ ១៨២ ក្រុម ១៨ ភូមិ ៣ សង្កាត់បឹងព្រលិត ខណ្ឌ៧មករា រាជធានីភ្នំពេញ។
លោក រស់ សុីណា អធិការរងនគរបាលខណ្ឌមករា បានឲ្យដឹងថា ជាលទ្ធផលកំលាំងជំនាញខណ្ឌនិងប៉ុស្តិ៍បានធ្វើការឃាត់ខ្លួនជនសង្ស័យម្នាក់ ឈ្មោះ ថៃ ហ៊ុយសេង ភេទ ប្រុស អាយុ៤០ ឆ្នាំ ជនជាតិខ្មែរ មុខរបរ ដើររើសអេតចាយ ស្នាក់នៅក្នុងវត្តកោះ (ជនសង្ស័យពិនិត្យទឹកនោមមានសារធាតុញៀន) វត្ថុតាង និង សម្ភារចាប់យកពីជនសង្ស័យរួមមាន
១-ម៉ាសុីនកិនកាហ្វេចំនួន១គ្រឿង
២- ម៉ាសុីនកាឡុកកាហ្វេចំនួន១គ្រឿង
៣-ទូរសព្ទ័ម៉ាក សាំសុង ចំនួន១គ្រឿង អត់សុីម
៤-ដែកកេះចំនួន១ (ចំពោះម៉ាសុីនកិនកាហ្វេ និង ម៉ាសុីនក្រឡុកកាហ្វេ សមត្តកិច្ចយើងបានប្រគល់ដល់ម្ចាស់វិញហើយ) ។ ជនរងគ្រោះ ឈ្មោះ លី ហ្វារិត ភេទប្រុស អាយុ៣៦ឆ្នាំ ជនជាតិខ្មែរ ស្នាក់នៅ ផ្ទះលេខ ២០Eo ផ្លូវ១៨២ ក្រុម ១៨ភូមិ ៣ សង្កាត់បឹងព្រលឹត ខណ្ឌ៧មករា។ បច្ចុប្បន្ន ជនសង្ស័យ១នាក់កំពុងឃាត់ខ្លួននៅអធិរដ្ឋាននគរបាល ខណ្ឌ៧មករា ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់៕
ដោយ៖ជីរីណា
