សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តធុនធំមួយគ្រឿងបេីកបរក្នុងល្បឿនលឿនចាប់ហ្វ្រ័ងមិនជាប់ក៏ជ្រុលបុកគូទរថយន្តឡិចស៊ីស470ពេញទំហឹងបណ្តាលឲ្យរងការខូចខាតរួចរថយន្តបង្កមិនទាន់អស់ល្បឿនក៏បន្តឡេីងសួនច្បារពុះចែកផ្លូវទៅមុខលែងរួច។
ហេតុការណ៍នេះបានកេីតឡេីងកាលពីវេលាម៉ោង១និង៥០នាទីរសៀលថ្ងៃទី២៨ ខែធ្នូ ឆ្នាំ២០២០ នៅចំណុចមុខវត្តព្រៃស្ពឺ តាមបណ្តោយផ្លូវជាតិលេខ៣ សង្កាត់កន្ទោក ខណ្ឌកំបូល រាជធានីភ្នំពេញ។
តាមសាក្សីនៅកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តឡិចស៊ីសLX 470 ពណ៌ស ពាក់ស្លាកលេខភ្នំពេញ2G. 6000 ធ្វេីដំណេីរតាមបណ្តោយផ្លូវជាតិលេខ៣ ក្នុងទិសដៅជេីងទៅត្បូងខណៈមកដល់ចំណុចកេីតហេតុក៏បង្អង់ល្បឿនស្រាប់តែមានរថយន្តធុនធំ ពណ៌ខៀវ លាយស ពាក់ស្លាកលេខកំពង់ចាម 3A. 2704 បេីកបរមកពីក្រោយក្នុងល្បឿនលឿនចាប់ហ្វ្រ័ងមិនទាន់ក៏ជ្រុលបុកគូទរថយន្តឡិចស៊ីសពេញទំហឹងបណ្តាលឲ្យរងការខូចខាតតែសំណាងមិនមានមនុស្សរងរបួសហេីយរថយន្តបង្ករមិនទាន់អស់ល្បឿនក៏បន្តឡេីងខឿនពុះចែកផ្លូវទេីបទៅមុខលែងរួច។
ក្រោយកេីតហេតុសមត្ថកិច្ចមូលដ្ឋានបានចុះទៅដល់ចំណុចកេីតហេតុនិងគូសវាសយករថយន្តចេញពីកន្លែងកេីតហេតុជៀសវាងស្ទះចរាចរណ៍និងធ្វេីការទាក់ទងទៅជំនាញមកយករថយន្តទាំង២គ្រឿងយកទៅរក្សាទុករង់ចាំដោះស្រាយតាមច្បាប់៕
ដោយ៖សុខាសែនជ័យ
