សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ដោយឃេីញស្ថានភាពជាក់ស្ដែងដែលបុរសម្នាក់សង្ស័យប្រេីប្រាស់គ្រឿងញៀនលេីសកម្រិត ដេីរគប់រថយន្តរបស់ប្រជាពលរដ្ឋដែលកំពុងធ្វេីដំណេីរនិងបង្កការកកស្ទះចរាចរណ៍ផងនោះ ទើបកម្លាំងសមត្ថកិច្ចប្រចាំការនៅអតីតស្ពានដែកចំការដូង បានធ្វេីការឃាត់ខ្លួនភ្លាមៗកាលពីវេលាម៉ោង៣ និង២០នាទីរសៀលថ្ងៃទី២២ ខែមករា ឆ្នាំ២០២១ រួចទាក់ទងទៅសមត្ថកិច្ចប៉ុស្ដិ៍នគរបាលរដ្ឋបាលដង្កោ ដេីម្បីមកយកទៅសួរនាំនិងចាត់ការតាមនីតិវិធី ។
បុរសខាងលេីគេមិនស្គាល់អត្តសញ្ញាណនោះទេ មុខរបរនិងស្នាក់នៅមិនពិតប្រាកដ ព្រមទាំងមានអត្តចរិតជាមនុស្សបែកថ្នាំ ។
បេីតាមសម្ដីមន្ត្រីនគរបាលចរាចរណ៍ដែលប្រចាំការនៅគោលដៅអតីតស្ពានដែកចំការដូងបានប្រាប់ថា ដំបូងពួកគាត់បានឃេីញបុរសខាងលេីដេីរចុះឡេីងនៅតំបន់នោះ ព្រមទាំងនៅដៃមានកាន់ដុំថ្ម និងសំបកដូងទៅកប់រថយន្តប្រជាពលរដ្ឋកំពុងធ្វេីដំណេីរតាមផ្លូវ តែមិនបង្កឲ្យខូចខាតធ្ងន់ធ្ងរនោះទេ។ ឃេីញដូច្នេះកម្លាំងសមត្ថកិច្ចក៏ធ្វេីការឃាត់ខ្លួនជននេះភ្លាមៗ រួចទាក់ទងទៅសមត្ថកិច្ចមូលដ្ឋានឲ្យមកទទួលយកទៅសួរនាំ និងចាត់ការតាមនីតិវិធី ។
ក្រោយមក សមត្ថកិច្ចមូលដ្ឋានប៉ុស្ដិ៍រដ្ឋបាលដង្កោ បានចុះមកដល់ហេីយដឹកបុរសសង្ស័យបែកថ្នាំខាងលេីយកទៅឃុំខ្លួនបណ្ដោះអាសន្ន រង់ចាំចាត់ចែងតាមនីតិវិធីពេលក្រោយ ៕
ដោយ ៖ ភារ៉ា ដង្កោ
