សារព័ត៌មាន នគរវត្ត តែងតែនាំមុខគេជានិច្ច
ខេត្តសៀមរាប៖ បើតាមសេចក្តីប្រកាសព័ត៌មានរបស់គ្រឹះស្ថានអង្គរ នៅថ្ងៃទី០១ ខែកុម្ភៈ ឆ្នាំ២០២១ បានបញ្ជាក់ថា សម្រាប់ការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ក្នុងឆ្នាំ២០២១ ខែដំបូងនេះ កម្ពុជា ទទួលបានចំណូលជាង ៥ម៉ឺនដុល្លារអាមេរិក, ខណៈចំណូលនេះធ្លាក់ចុះជាង ៩៩ភាគរយ បើធៀបរយៈពេលដូចគ្នាឆ្នាំ២០២០។
ជាក់ស្តែងនៅក្នុងសេចក្តីប្រកាសព័ត៌មានខាងលេី បានបញ្ជាក់បន្ថែមទៀតថា រមណីដ្ឋានអង្គរទទួលបានភ្ញៀវទេសចរបរទេសជាង ១២១៣នាក់ធ្លាក់ចុះជាង ៩៩ភាគរយ ក្នុងខែមករា ឆ្នាំ២០២១នេះ។
គួរបញ្ជាក់ថា សម្រាប់ថវិកា ដែលបានពីលក់បណ្ណចូលទស្សនាអង្គររយៈពេល១ខែមកនេះ ត្រូវបានរំលែកចំនួន ២ ៤២៦ដុល្លារ ដើម្បីឧបត្ថម្ភដល់មូលនិធិគន្ធបុប្ផាកម្ពុជា៕ដោយ៖សហការី
