សារព័ត៌មាន នគរវត្ត តែងតែនាំមុខគេជានិច្ច
ខ្សែប្រយុទ្ធឆ្នើមរបស់ក្រុមបិសាចក្រហម Manchester United និងជាជម្រើសជាតិអង់គ្លេសកីឡាករ Marcus Rashford ត្រូវបានគេដាក់ឈ្មោះក្នុងបញ្ជីក្នុងចំណោមមនុស្ស១០០នាក់របស់ទស្សនាវដ្តី Time ថា ជាមនុស្សម្នាក់ដែលកំពុងជួយធ្វើឱ្យប្រសើរឡើងនាពេលអនាគតក្នុងការទទួលស្គាល់នូវយុទ្ធនាការផ្សព្វផ្សាយស្តីពីភាពក្រីក្ររបស់កុមារ។
បញ្ជីនេះរួមមានអត្តពលិកអ្នកសំដែង និងអ្នកដឹកនាំនយោបាយក្នុងចំណោមអ្នកដទៃទៀតដែលមានអាយុ២៣ឆ្នាំបានបង្ហាញខ្លួនក្រោមប្រធានបទ អ្នកតស៊ូមតិរបស់ Marcus Rashford ។ ម្ចាស់ជើងឯកពិភពលោក៧សម័យខាងប្រណាំងរថយន្ត Formula 1 កីឡាករ Lewis Hamilton ត្រូវបានជ្រើសរើសដោយពីការបញ្ចេញមតិរបស់គាត់ដាក់ទៅក្នុងទស្សនាវដ្តីប្រចាំសប្តាហ៍របស់អាមេរិកមួយនេះដែរ។
Marcus Rashford ត្រូវបានគេមើលឃើញថា បានក្រោកឈរឡើងសម្រាប់អ្នកដែលងាយរងគ្រោះបំផុតនៅក្នុងសង្គម និងប្រើប្រាស់វេទិការបស់គាត់ដើម្បីបង្កើតការផ្លាស់ប្តូរវិជ្ជមាន។ កីឡាកររូបនេះបានបំផុសគំនិតដល់មនុស្សជាច្រើនរាប់មិនអស់ឱ្យចូលរួមជាមួយគាត់ក្នុងបេសកកម្មនេះហើយបានពង្រឹងឋានៈរបស់គាត់ជាគំរូ។
ក្នុងរយៈពេលមួយឆ្នាំដែលបានបង្ហាញ នូវថាមពលនៃការធ្វើការរួមគ្នាឆ្ពោះទៅរកគោលដៅរួមមួយគាត់គឺជាកំលាំងជំរុញមួយនៅពីក្រោយការបង្រួបបង្រួមមនុស្សនៅទូទាំងចក្រភពអង់គ្លេសក្នុងការខិតខំដើម្បីធានាថាគ្មានកុមារដែលអត់ឃ្លានឡើយ។ ការប្តេជ្ញាចិត្តការតស៊ូរបស់គាត់ពិតជាមានការលើកទឹកចិត្តឲ្យរដ្ឋាភិបាលគិតគូរពីរឿងនេះ។
កីឡាករ Marcus Rashford ត្រូវបានគេតែងតាំងជា MBE នៅក្នុងពិធីខួបកំណើតរបស់ម្ចាស់ក្សត្រីសម្រាប់ការងារប្រយុទ្ធប្រឆាំងនឹងភាពក្រីក្រម្ហូបអាហារកុមារនៅក្នុងប្រទេសកំណើតរបស់គាត់កាលពីឆ្នាំមុនហើយត្រូវបានគេទទួលស្គាល់ផងដែរជាមួយនឹងពានរង្វាន់ពិសេសមួយនៅ BBC ជាបុគ្គលដែលមានបុគ្គលិកលក្ខណៈប្រចាំឆ្នាំ។
សូមបញ្ជាក់ថា ញត្តិដែលរៀបចំឡើងដោយកីឡាករបាល់ទាត់បានអំពាវនាវឱ្យមានអាហារសាលាឥតគិតថ្លៃដែលត្រូវបានផ្តល់ជូននៅក្នុងប្រទេសអង់គ្លេសក្នុងអំឡុងពេលវិស្សមកាលសាលារៀនបានឈានដល់មានហត្ថលេខា១លាននាក់នៅក្នុងខែតុលា ហើយបន្ទាប់ពីមានការដាក់សម្ពាធពីសាធារណៈដ៏ធំនេះ រដ្ឋាភិបាលបានយល់ព្រមផ្តល់ការគាំទ្របន្ថែមដល់គ្រួសារដែលមានការលំបាកនៅរដូវរងារផងដែរ ៕ដោយ៖ភារៈ
