សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ រថយន្តកុងតឺន័រមួយគ្រឿងខណៈកំពុងបេីកបរតាមដងផ្លូវស្រាប់តែកាច់ចង្កូតលែងកើតបណ្តាលឲ្យជ្រុលទៅបុករថយន្តព្រូសបណ្តាលឲ្យដាំក្បាលធ្លាក់ចូលប្រឡាយរងការខូចខាត។
ហេតុការណ៍នេះបានកេីតឡេីងកាលពីវេលាម៉ោង២រសៀលថ្ងៃទី១ ខែមីនា ឆ្នាំ២០២១ នៅផ្លូវបេតុងវត្តព្រៃស្ពឺ ក្នុងភូមិស្រែជម្រៅសង្កាត់ចោមចៅទី២ ខណ្ឌពោធិ៍សែនជ័យ រាជធានីភ្នំពេញ។
តាមប្រភពព័ត៌មានពីកន្លែងកេីតហេតុបានឲ្យដឹងថា មុនពេលកេីតហេតុគេបានឃេីញរថយន្តម៉ាកព្រូសពណ៌ស ពាក់ស្លាកលេខភ្នំពេញ2BJ-6638 បើកតាមបណ្តោយផ្លូវបេតុងក្នុងទិសដៅពីកេីតទៅលិច ពេលមកដល់ចំណុចកេីតហេតុស្រាប់តែមានរថយន្តកុងតឺន័រ ពណ៌សឆ្នូតក្រហម ពាក់ស្លាកលេខភ្នំពេញ3C-4451 បើកបញ្ច្រាសទិសគ្នាហេីយបានដាច់រ៉ូទីលចង្កូតក៏រេមកខាងឆ្វេងដៃជ្រុលទៅបុករថយន្តព្រូសបណ្តាលឲ្យរថយន្តព្រូសធ្លាក់ចូលប្រឡាយរងការខូចខាត តែសំណាងដែរដែលមិនមានមនុស្សរងរបួស។
ក្រោយពេលកេីតហេតុសមត្ថកិច្ចបានចុះទៅដល់ចំណុចកេីតហេតុនិងធ្វេីការសម្របសម្រួលដោយភាគីខាងរថយន្តកុងតឺន័រព្រមទទួលកំហុសក៏ចេញថ្លៃជួសជុលទៅឱ្យភាគីរថយន្តព្រូសដេីម្បីបញ្ចប់រឿងនៅកន្លែងកេីតហេតុ៕
ដោយ៖សុខាសែនជ័យ
