សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់ទំនងស្រវឹងស្រាបានបេីករថយន្តស៊េរីទំនេីបម៉ាក Triton រេចង្កូតបុករបងឃ្លាំងថែទាំរថយន្តរងការខូចខាតយ៉ាងដំណំ សំណាងល្អដែរគ្មានអ្នករបួស ។ ហេតុការណ៍នេះបានកេីតឡេីងកាលពីវេលាម៉ោង១០យប់ ថ្ងៃទី១២ ខែមីនា ឆ្នាំ២០២១ នៅតាមបណ្ដោយផ្លូវ២៦៥ ក្នុងសង្កាត់ទឹកល្អក់៣ ខណ្ឌទួលគោក រាជធានីភ្នំពេញ ។
តាមប្រភពព័ត៌មានពីប្រជាពលរដ្ឋបានប្រាប់ឲ្យដឹងថា មុនកេីតហេតុ រថយន្តបង្កម៉ាកTriton ពណ៌ស ពាក់ស្លាកលេខភ្នំពេញ 2AP-0016 បេីកបរដោយបុរសម្នាក់សង្ស័យស្រវឹងស្រាខ្លាំង បានធ្វេីដំណេីរតាមបណ្ដោយផ្លូវ២៦៥ ទិសដៅពីត្បូងមកជេីងក្នុងល្បឿនលឿន ខណៈមកដល់ចំណុចកេីតហេតុស្រាប់តែរេចង្កូតមកឆ្វេងម៉ាអស់ដៃទៅបុករបងឃ្លាំងថែទាំរថយន្ត(អតីតកន្លែងលាងឡាន)បណ្ដាលឲ្យរងការខូចខាត រីឯរថយន្តបង្កក៏បានរងការខូចខាតផ្នែកខាងមុខនិងផ្ទុះពោងការពារសុវត្តិភាពទាំងសងខាងផងដែរ តែបង្កឲ្យមនុស្សណាម្នាក់រងរបួសនោះទេ ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ដោយឃេីញករណីចរាចរណ៍នេះមិនប៉ះពាល់ដល់សម្បត្តិរដ្ឋ និងបង្កគ្រោះថ្នាក់ដល់អ្នកដ៏ទៃ ទេីបឲ្យភាគីម្ចាស់រថយន្តនិងម្ចាស់ឃ្លាំងចចារគ្នានៅកន្លែងកេីតហេតុតែម្ដង ។ គាប់ជួនភាគីទាំងសងខាងស្គាល់គ្នា ទេីបម្ចាស់ឃ្លាំងព្រមឲ្យម្ចាស់រថយន្តបង្ក យករថយន្តរបស់ខ្លួនទៅជួសជុលដោយខ្លួនឯង ៕
ដោយ៖ភារ៉ាដង្កោ
