សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ តារាសម្តែង និងជាពិធីករប្រុស លោក បញ្ញា សិទ្ធិនៅយប់ថ្ងៃទី១៦ ខែមីនា ឆ្នាំ២០២១ ត្រូវបានរថយន្តពេទ្យបានចេញទៅយកដល់ផ្ទះទាំងយប់បន្ទាប់តេស្តរកឃើញឆ្លងជំងឺកូវីដ-១៩។
នេះបើយោងតាមសាមីខ្លួន បានបង្ហោះសាររៀបរាប់ដោយខ្លីថា សួស្តីបងប្អូនខ្ញុំបាទ បញ្ញា សិទ្ធិ ថ្ងៃនេះម៉ោង១១យប់ត្រូវថ្ងៃទី១៦ខែមីនា ឆ្នាំ២០២១ បានទទួលលទ្ធផលហើយគឺវិជ្ជមានកូវីដ-១៩។ សូមបងប្អូនថែរក្សាសុខភាពផង។
សូមរំឭកថា គិតត្រឹមយប់ថ្ងៃទី១៦ ខែមីនា ឆ្នាំ២០២១នេះ គឺមានអ្នកសិល្បៈខ្មែររាប់ទាំងតារាប្រុសម្នាក់ទៀតគឺលោក បញ្ញា សិទ្ធិ ឆ្លងជំងឺកូវីដ-១៩ចំនួន ១២នាក់ហើយ។ ដោយឡែកជាច្រើននាក់ទៀតកំពុងធ្វើតេស្តសំណាកនិងធ្វើចត្តាឡីស័ក១៤ថ្ងៃ។
លោក ហេង ឡុង ក៏បានលើកឡើងផងដែរថាតារាចម្រៀង បញ្ញា សិទ្ធិ បានធ្វើតេស្តវិជ្ជមានកូវីដ-១៩ សំណូមពរឲ្យបងប្អូនដែលបានពាក់ព័ន្ធជាមួយគាត់ទៅធ្វើតេស្ត សូមចូលរួមអនុវត្តវិធានការសុខាភិបាល(៣កុំនិង៣ការពារ) ៕
ដោយ៖សិលា
