សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង៖ មានការភ្ញាក់ផ្អើលទាំងព្រឹកខណៈគេប្រទះឃើញបុរសម្នាក់បានដេកស្លាប់ក្នុងផ្ទះរបស់ខ្លួនបង្កការភ្ញាក់ផ្អើលដល់អ្នកភូមិរាយការណ៍ទៅសមត្ថកិច្ចចុះមកពិនិត្យសពភ្លាមៗ។
ហេតុការណ៍នេះបានកើតឡើងកាលពីវេលាម៉ោង៩និង៣០នាទីព្រឹកថ្ងៃទី២០ ខែមីនា ឆ្នាំ២០២១ នៅភូមិសាលាទាន សង្កាត់ច្រកម្ទេស ក្រុងបាវិត ខេត្តស្វាយរៀង។
មន្ត្រីនគរបាលបានឱ្យដឹងថា បុរសខាងលើមានឈ្មោះ សំ សំណាង អាយុ៣៣ឆ្នាំ ជនជាតិខ្មែរ មុខរបរកម្មកររោងចក្រ រស់នៅក្នុងភូមិសង្កាត់ខាងលើ។
បន្ទាប់ពីទទួលបានព័ត៌មានភ្លាមសមត្ថកិច្ចក្រុងសហការជាមួយនគរបាលប៉ុស្ត៏រដ្ឋបាលបានចុះទៅដល់ផ្ទះកើតហេតុ ដើម្បីធ្វើការពិនិត្យសាកសព ដោយមានលោកវេជ្ជបណ្ឌិត សំបូរ សារឹម ភី សុភាព ជាគ្រូពេទ្យនៃមន្ទីរពេទ្យបង្អែកជីភូ បានសនិ្នដ្ឋានថា ការស្លាប់របស់សាកសពគឺបណ្ដាលមកពីគាំងបេះដូង (ខ្យល់គរ) គឺមិនមានស្លាកស្នាមអ្វីដែលសម្គាល់ថាជារឿងឃាតកម្មនោះទេ។
ក្រោយពិនិត្យសាកសពរួច សមត្តកិច្ចបានធ្វើកំណត់ហេតុប្រគល់សពជូនក្រុមគ្រួសារធ្វើបុណ្យតាមប្រពៃណីទាំងក្ដុកក្ដួលបំផុត៕
ដោយ៖យឹម សុថាន
