លោក ហ៊ុន ម៉ាណែត ៖ នេះជាពេល ដែលយើងត្រូវពង្រឹងស្មារតី ប្រកបដោយភាពស្មោះត្រង់ អង់អាចក្លាហាន ដើម្បីរួមកម្លាំងសាមគ្គីគ្នា បិទបញ្ចប់ព្រឹត្តការណ៍សហគមន៍ ២០កុម្ភៈ !!!

ភ្នំពេញ៖ លោក ហ៊ុន ម៉ាណែត បានថ្លែងថា ៖ សូមកងកម្លាំងគ្រប់ប្រភេទ មន្រ្តីរាជការ សង្គមស៊ីវិល និងប្រជាពលរដ្ឋទាំងអស់ មានភាពម្ចាស់ការខ្លួនឯង ដោយទៅធ្វើការពិគ្រោះជាមួយមន្ត្រីសុខាភិបាល ប្រកបដោយភាពស្មោះត្រង់ អង់អាចក្លាហាន មិនមានការលាក់លៀម ឬអៀនខ្មាស់ បើមានអាការៈគួរសង្ស័យណាមួយកើតទ្បើង ដើម្បីចូលរួមចំណែកជាមួយរាជរដ្ឋាភិបាល ដើម្បីឈានដល់ការបិទបញ្ចប់ព្រឹត្តការណ៍សហគមន៍ ២០កុម្ភៈ ក្នុងការទប់ស្កាត់នូវការរីករាលដាលនៃជំងឺកូវីដ-១៩នេះ។ ពីព្រោះនេះជាដំណាក់កាលលំបាក ដែលត្រូវការការចូលរួមពីកងកម្លាំងប្រជាការពារ កងនគរបាលជាតិ កងរាជអាវុធហត្ថ បានចូលរួមយ៉ាងសកម្ម នៅក្នុងការអនុវត្តភារកិច្ចរបស់ខ្លួន នៅក្នុងប្រតិបត្តិការគ្រប់គ្រងតំបន់ចត្តាទ្បីស័ក ក្នុងស្ថានការណ៍ចាំបាច់កើតទ្បើង ដែលទាមទារឲ្យមានកម្លាំងជំនួយបន្ថែម ក្នុងការការពារការបន្តឆ្លងរាលដាលទៅក្នុងសហគមន៍ និងសង្គមគ្រួសារ។

ជាក់ស្តែង ដើម្បីធានាបាននូវការជាសះស្បើយ សម្រាប់អ្នកជំងឺគ្រប់រូប ទោះបីជាជំងឺកូវីដ-១៩បានបំប្លែងខ្លួន យ៉ាងណាក៏ដោយ ក៏យើងបន្តរក្សានូវការប្រឹងប្រែង និងប្រុងប្រយ័ត្នខ្ពស់ ព្រោះសន្ទុះនៃការឆ្លង បានកើនទ្បើងគួរឱ្យចាប់អារម្មណ៍ ក្នុងរយៈពេលប៉ុន្មានសប្តាហ៍ចុងក្រោយនេះ ហើយមានទាំងករណីនាំចូល និងទាំងករណីរីករាលដាលក្នុងសហគមន៍ តែយើងមិនបានបាត់នូវភាពម្ចាស់ការ ក្នុងការគ្រប់គ្រង និងព្យាបាលទ្បើយ ហើយថែមទាំងបន្តយកចិត្តទុកដាក់កើនទ្បើង ក្នុងការទប់ស្កាត់ កុំឱ្យមានការរីករាលដាលខ្លាំងជាងនេះទៀត ជាពិសេសក្នុងអំទ្បុងពេលបុណ្យចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់ នាពេលខាងមុខ៕

ដោយ៖ សហការី