សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានបើករថយន្តហាយឡេនឌ័រចេញពីគ្លីនិកឯកជនមួយកន្លែងហេីយជ្រុលទៅបុករថយន្តស៊េរីទំនើបមួយគ្រឿងទៀតបណ្តាលឲ្យក្រឡាប់បះជើងខ្លួនឯងនិងខ្ទាតទៅបុកនារីម្នាក់ដែលកំពុងជិះម៉ូតូបណ្ដាលឲ្យរងរបួសស្រាល បង្កឲ្យមានការភ្ញាក់ផ្អេីល
កាលពីវេលាម៉ោង១១និង២០នាទីព្រឹក ថ្ងៃទី២៧ ខែមីនា ឆ្នាំ២០២១ ស្ថិតនៅក្នុងបុរីពិភពថ្មី ផ្លូវលេខ៧ ភូមិសំបួរ សង្កាត់ដង្កោ ខណ្ឌដង្កោ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុមានបុរសម្នាក់បានបើករថយន្តម៉ាកហាយឡេនឌ័រ ពណ៌ស ពាក់ស្លាកលេខ ភ្នំពេញ 2AN-2199 ចេញពីគ្លីនិកឯកជនមួយកន្លែងក្បែរនិឹងកន្លែងកើតហេតុប្រហែលជា៥០ម៉ែត្រដោយធ្វេី
ដំណេីរក្នុងទិសដៅពីកើតទៅលិចក៏ជ្រុលទៅបុកនារីម្នាក់ដែលកំពុងតែជិះម៉ូតូនៅខាងមុខបណ្តាលឲ្យនាងរងរបួសស្រាល រួចក៏ជ្រុលទៅបុករថយន្តស៊េរីទំនើបមួយគ្រឿងទៀតម៉ាកCOROLADO ពណ៌ស ពាក់ស្លាកលេខភ្នំពេញ2 BI-3508 ដែលកំពុងធ្វើដំណើរបញ្រ្ចាសទិសគ្នាពីលិចទៅកើតបណ្តាលឲ្យរថយន្តស៊េរីទំនើបរងការខូចខាតផ្នែកខាងមុខយ៉ាងដំណំនិងទៅមុខលែងរួច ចំណែករថយន្តបង្កបានក្រឡាប់បះជើងខ្លួនឯង។
ក្រោយពេលកើតហេតុ សមត្ថកិច្ចមូលដ្ឋានសហការជាមួយកម្លាំងជំនាញចរាចរណ៍ខណ្ឌចុះមកធ្វើការវាស់វែងនៅកន្លែងកើតហេតុនិងឃាត់អ្នកបើកបររថយន្តបង្ក រួចស្ទូចយករថយន្តទាំង២គ្រឿងរួមនឹងម៉ូតូនារីរងគ្រោះយកទៅរក្សាទុកនៅអធិការដ្ឋាននគរបាលខណ្ឌដង្កោដើម្បីដោះស្រាយគ្នាតាមច្បាប់ ៕
ដោយ ៖ ភារ៉ា ដង្កោ
