សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បេីករថយន្តស្ទួចក្នុងល្បឿនលឿន និងមិនប្រយ័ត្នបានជ្រុលទៅបុករថយន្តហុីយ៉ាន់ដាយពីចំហៀងពេញទំហឹងបណ្ដាលឲ្យគៀបជាប់គ្នារងការខូចខាតយ៉ាងដំណំ និងធ្វេីឲ្យបុរស២នាក់រងរបួសបែកមុខមាត់ត្រូវបានបញ្ជូនទៅកាន់មន្ទីរពេទ្យភ្លាមៗ កាលពីវេលាម៉ោង៧ និង៣០នាទីយប់ ថ្ងៃទី២៧ ខែមីនា ឆ្នាំ២០២១ តាមបណ្ដោយផ្លូវ២១៧(ចំការដូង) ក្នុងភូមិបុរីកម្មករ សង្កាត់ជេីងឯក ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា ពេលកេីតហេតុមានរថយន្តម៉ាក ហុីយ៉ាន់ដាយ ដឹកតន្ត្រីពណ៌ស ពាក់ស្លាកលេខ ត្បូងឃ្មុំ 3A -2724 បានធ្វេីដំណេីរតាមបណ្ដោយផ្លូវ២១៧ ទិសដៅពីជេីងមកត្បូង ខណៈមកដល់កន្លែងកេីតហេតុក៏បានបត់ឆ្វេងកាត់ទទឹងផ្លូវ ក៏ត្រូវរថយន្តស្ទួច ពណ៌ស ពាក់ស្លាកលេខ ព្រះសីហនុ 3A-1639 ធ្វេីដំណេីរតាមបណ្ដោយផ្លូវ២១៧ ទិសដៅពីត្បូងមកជេីងក្នុងល្បឿនលឿន បុកចំពីចហៀងពេញទំហឹង បណ្ដាលឲ្យរថយន្តហុីយ៉ាន់ដាយខ្ទាតដល់របងផ្ទះលក់ចាបហួយ រងការខូចខាតយ៉ាងដំណំទាំងសងខាង និងធ្វេីឲ្យបុរស២នាក់ភាគីរថយន្តហុីយ៉ាន់ដាយរងរបួសបែកមុខមាត់ត្រូវបានបញ្ចូនទៅកាន់មន្ទីរពេទ្យបង្អែកដង្កោ ដេីម្បីព្យាបាលរបួស ។
ក្រោយកេីតហេតុ សមត្ថកិច្ចមូលដ្ឋានបានចុះមកដល់ ហេីយឲ្យភាគីទាំងសងខាងធ្វេីការសម្របសម្រួលគ្នាមួយជំហាន តែភាគីទាំង២និយាយគ្នាមិនត្រូវ ទេីបសមត្ថកិច្ចមូលដ្ឋានទាក់ទងទៅមន្ត្រីជំនាញចរាចរណ៍ខណ្ឌដង្កោ ចុះមកធ្វេីការវាស់វែងយករថយន្តទាំង២គ្រឿងទៅរក្សាទុករង់ចាំដោះស្រាយពេលក្រោយ ៕
ដោយ ៖ ភារ៉ា ដង្កោ
