សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ លោក សៀង សុខ ព្រះរាជអាជ្ញានៃអយ្យការអមសាលាដំបូងខេត្តព្រះសីហនុ នៅរសៀលថ្ងៃទី២៨ ខែមីនា ឆ្នាំ២០២១ បានបង្ហោះលើ facebook ផ្លូវការលោកថា, ដូចដែលយើងដឹងហើយថា ក្រោយមានការរីករាលដាលកូវីដ-១៩ ដោយសារការមិនបានអនុវត្តវិធានការការពារខ្លួន វិធានការចាំបាច់ផ្សេងៗធ្វើឱ្យកូវីដ-១៩ មានឱកាសរាតត្បាតកាន់តែខ្លាំងក្នុងសហគមន៍ ។
លោកបន្តថា, ជាមួយគ្នានេះដើម្បីកុំឱ្យប្រជាពលរដ្ឋភ្លេចខ្លួនពីការពិន័យលើការប្រព្រឹត្តខុសវិធានដែលសុខាភិបាលបានដាក់ចេញកាលពីមួយរយៈមុននេះ ដែលបាននឹងកំពុងមានការអនុវត្តន៍គ្រប់វិនាទីនៅលើទឹកដីកម្ពុជា ពិសេសតំបន់ភូមិសាស្រ្តទាំង៥(ភូមិសាស្ត្ររាជធានីភ្នំពេញ ខេត្តព្រះសីហនុ ខេត្តកណ្តាល ខេត្តព្រៃវែង និងខេត្ត សៀមរាប) ដែលកំពុងរងការចម្លងខ្លាំង
សូមបងប្អូនបង្កើនការប្រុងប្រយ័ត្ននិងអនុវត្តន៍ឱ្យបានខ្ជាប់ខ្ជួនជៀសវាងសេដ្ឋកិច្ច កំពុងមានការលំបាកហើយត្រូវរងការពិន័យថែមទៀតនោះ។
បុគ្គលល្មើសវិធានសុខាភិបាល ៖
-អត់ពាក់ម៉ាស់ ពិន័យ 200.000៛ ទៅ 1.000.000៛
-រៀបចំការជួបជុំ ពិន័យ 1.000.000 ៛ ទៅ 5.000.000៛
-មិនព្រមឱ្យសំណាកពិន័យ 1.000.000 ៛ ទៅ 5.000.000៛
-គេចពីចត្តាឡីស័ក 1.000.000 ៛ ទៅ 5.000.000៛
-អ្នកផ្តើមគំនិតញុះញង់ 10.000.000៛ ទៅ 50.000.000៛
-មិនព្រមនៅដាច់ដោយឡែកអំឡុងពេលព្យាបាល 2.000.000 ៛ ទៅ 10.000.000៛
-ចាត់ចែកសាកសពលើ្មសមាត្រា១៥ពិន័យ 5.000.000 ទៅ 20.000.000 ៛
-ពេទ្យឯកជន មិនជូនដំណឹងមន្ត្រីសុខាភិបាល
ករណីមានអ្នកជំងឺកូវីដ-១៩ ពិន័យ10.000.000៛ ទៅ 50.000.000៛ ។
ការបញ្ជាក់ភូមិសាស្រ្តទាំង៥ពីក្រសួងសុខាភិបាលកាលពីថ្ងៃទី២៤ ខែមីនា ឆ្នាំ២០២១ ៕
ដោយ ៖ សិលា
