សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសម្នាក់បានរងរបួសធ្ងន់ត្រូវរថយន្តសាមុយដឹកបញ្ជូនទៅកាន់មន្ទីរពេទ្យភ្លាមៗ បន្ទាប់ពីបើករថយន្តម៉ាក សាយអនក្នុងល្បឿនលឿនហេីយជ្រុលចង្កូតធ្លាក់ផ្លូវទៅបុកភ្លឺប្រឡាយពេញទំហឹង កាលពីវេលាម៉ោង១១ និង២០នាទីយប់ថ្ងៃទី៣ ខែមេសា ឆ្នាំ២០២១ ស្ថិតនៅតាមបណ្ដោយផ្លូវទួលពង្រ កែងនិឹងផ្លូវ៥០ម៉ែត្រ ក្នុងសង្កាត់ដង្កោ ខណ្ឌដង្កោ រាជធានីភ្នំពេញ ។
តាមប្រភពព័ត៌មានពីកន្លែងកើតហេតុបានឱ្យដឹងថា រថយន្តរងគ្រោះថ្នាក់ម៉ាក សាយអន ពណ៌ទឹកប្រាក់ ពាក់ស្លាកលេខភ្នំពេញ 2AU-3217 បេីកបរដោយបុរសម្នាក់តាមបណ្តោយផ្លូវ៥០ម៉ែត្រក្នុងទិសដៅពីលិចទៅកើតក្នុងល្បឿនលឿន ។ លុះមកដល់ចំណុចកើតហេតុមិនប្រយ័ត្ននិងមិនបន្ថយល្បឿន ក៏បានជ្រុលធ្លាក់ផ្លូវទៅបុកនឹងភ្លឺប្រឡាយបណ្ដាលឲ្យរថយន្តរងការខូចខាតយ៉ាងដំណំ និងធ្វេីឲ្យអ្នកបេីកបររងរបួសធ្ងន់ ។
ក្រោយកេីតហេតុភ្លាមៗ ប្រជាពលរដ្ឋដែលឃេីញហេតុការណ៍ខាងលេីបានទាក់ទងទៅរថយន្តសាមុយឲ្យមកដឹកជនរងគ្រោះទៅមន្ទីរពេទ្យដេីម្បីសង្គ្រោះបន្ទាន់ ។ រីឯរថយន្តត្រូវបានសមត្ថកិច្ចមូលដ្ឋានទាក់ទងទៅរថយន្តស្ទួចមកស្ទូចយកទៅរក្សាទុកឲ្យម្ចាស់វិញ ដោយករណីនេះមិនប៉ះពាល់ដល់សម្បត្តិរដ្ឋ និងប្រជាពលរដ្ឋឡេីយ ៕
ដោយ ៖ ភារ៉ា ដង្កោ
