សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី០៥ ខែមេសា ឆ្នាំ២០២១ វេលាម៉ោង៨យប់លោក សក់ ច័ន្ទកញ្ញារិទ្ធ អភិបាលរងជាតំណាងលោកម៉ូវ ម៉ានិត អភិបាលខណ្ឌសែនសុខ បានដឹកនាំកម្លាំងចុះត្រួតពិនិត្យគោលដៅទី១ របស់គណៈបញ្ជាការឯកភាពរដ្ឋបាលខណ្ឌដើម្បីត្រួតពិនិត្យនិងអនុវត្តវិធានការរដ្ឋបាលលើអ្នកល្មើសបំរាមគោចរនៅកំណាត់ផ្លូវលេខ១៩៨៦ ក្នុងសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ។
លោកអភិបាលរងខណ្ឌបានអំពាវនាវដល់បងប្អូនប្រជាពលរដ្ឋយើងទាំងអស់ត្រូវតែបន្តចូលរួមទប់ស្កាត់កាត់ផ្តាច់ការចម្លងមេរោគកូវីដ-១៩ ដើម្បីបញ្ចប់ព្រឹត្តិការណ៍ ២០ កុម្ភៈ ឱ្យឆាប់វិលទៅរកស្ថានភាពល្អប្រសើរវិញ ដោយត្រូវអនុវត្តវិធានការ ៣ការពារ ៣កុំ ឱ្យបានត្រឹមត្រូវ បំផុត៕
ដោយ៖ ចន្ទ លីហ្សា
