សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ នៅថ្ងៃទី៦ ខែមេសា ឆ្នាំ ២០២១ វេលាម៉ោង១៥ និង៤០នាទីរសៀល ជនសង្ស័យម្នាក់ត្រូវកម្លាំងជំនាញខណ្ឌនិងប៉ុស្តិ៍បានធ្វើការបង្រា្កបជាក់សែ្តងករណីលួចមានសា្ថនទម្ងន់ទោស(ឆក់កាបូបដាក់ប្រាក់) នៅចំណុចផ្លូវបេតុង ភូមិឃ្លាំងសាំង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
ជនរងគ្រោះឈ្មោះ ឈុំ ចាន់ថន ភេទស្រី អាយុ ៣៣ឆ្នាំ មុខរបរលក់ដូរ មានទីលំនៅផ្ទះលេខ ០១D ផ្លូវបេតុង ភូមិទួលសង្កែ សង្កាត់ទួលសង្កែ១ ខណ្ឌ ឫស្សីកែវ ។
ចំណែកជនសង្ស័យឈ្មោះ រិទ្ធ បញ្ញា ភេទប្រុស អាយុ១៩ឆ្នាំ មុខរបរ(គ្មាន) មានទីលំនៅផ្ទះលេខ(គ្មាន) ផ្លូវបេតុង ភូមិទួលសង្កែ សង្កាត់ទួលសង្កែ ខណ្ឌ ឫស្សីកែវ (គ្មានសារធាតុញៀន)។
– សម្ភារដកហូត៖
ម៉ូតូមួយគ្រឿងម៉ាក HONDA SCOOPY ពណ៌ស ពាក់ស្លាកលេខ ភ្នំពេញ ១IM-៤៥៦០។
បើតាមលោកវរសេនីយ៍ឯកហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងទៀតថា នៅថ្ងៃកេីតហេតុខាងលេី ជនរងគ្រោះបានជិះម៉ូតូចេញពីផ្ទះមកបង់លុយថ្លៃទឹកភ្លេីង។
ពេលមកដល់ចំណុចកេីតហេតុស្រាប់តែមានជនសង្ស័យម្នាក់ជិះម៉ូតូមួយគ្រឿង ម៉ាក HONDA SCOOPY ពណ៌ស ពាក់ស្លាកលេខ ភ្នំពេញ ១IM-៤៥៦០មកកៀកជនរងគ្រោះរួចធ្វេីសកម្មភាពឆក់យកកាបូបស្ពាយរបស់ជនរងគ្រោះ តែជនរងគ្រោះបានទាញមកវិញបាន និងស្រែកថាចោរៗស្របពេលកម្លាំងសមត្ថកិច្ចល្បាតឃេីញក៏ជួយធ្វើអន្តរាគមន៍ឃាត់ខ្លួនជនសង្ស័យបានតែម្តង។
នៅចំពោះមុខ ផ្នែកជំនាញប៉ុស្តិ៍កំពុងសាកសួរយកចម្លេីយដើម្បីកសាងសំណុំរឿងបញ្ចូនទៅសាលាដំបូងរាជធានីភ្នំពេញអនុវត្តតាមនីតិវិធីច្បាប់ ៕ដោយ៖ ជីណា
