សារព័ត៌មាន នគរវត្ត តែងតែនាំមុខគេជានិច្ច
ខេត្តរតនគិរី ៖ ជនសង្ស័យម្នាក់ត្រូវបានកម្លាំងជំនាញផ្នែកប្រឆាំងគ្រឿងញៀននៃអធិការដ្ឋាននគរបាលស្រុកវើនសៃធ្វើការឃាត់ខ្លួនពាក់ព័ន្ធនឹងករណីជួញដូរនូវសារធាតុញៀន។ ហេតុការណ៍នេះបានកើតឡើងនៅវេលាម៉ោង១២និង៥៦នាទី ថ្ងៃទី១៤ ខែមេសា ឆ្នាំ២០២១ ត្រង់ចំណុចកំពង់ដរភូមិឡាមេីយ ឃុំកុកឡាក់ ស្រុកវេីនសៃ ខេត្តរតនគិរី ។
សមត្ថកិច្ចបានឱ្យដឹងថា ជនសង្ស័យឈ្មោះ ឈុន ចត់ ហៅពៅ ភេទប្រុស អាយុ៣០ឆ្នាំ ជនជាតិឡាវ សញ្ជាតិខ្មែរមានទីលំនៅបច្ចុប្បន្នភូមិ៧មករា សង្កាត់ឡាបានសៀក ក្រុងបាលុង ខេត្តរតនគីរី។
ក្រោយឃាត់ខ្លួនសមត្ថកិច្ចដកហូតបានវត្ថុតាងរួមមាន៖
១-ម្សៅក្រាមសថ្លាសង្ស័យសារធាតុញៀនចំនួន១៥ថង់ធំល្មម។
២-ទូរស័ព្ទ២គ្រឿងម៉ាកណូគា។
៣-ថង់ច្រកថ្នាំញៀនមួយចំនួន។
បច្ចុប្បន្នជនសង្ស័យរួមទាំងវត្ថុតាងត្រូវបានឃាត់ខ្លួន និងរក្សាទុកបណ្ដោះអាសន្ននៅអធិការដ្ឋាននគរបាលស្រុកវេីនសៃដើម្បីកសាងសំណុំរឿងបញ្ជូនទៅអយ្យការអមសាលាដំបូងខេត្តចាត់ការតាមនីតិវិធី៕ដោយ៖ ស សម
