សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល៖ នៅល្ងាចថ្ងៃទី១៨ ខែមេសា ឆ្នាំ២០២១ លោក ប្លុង វិសាល ចៅក្រមស៊ើបសួរសាលាដំបូងខេត្តកណ្ដាល បានសម្រចចេញដីកាឃុំខ្លួនបុរសស្រវឹងស្រាជោគជាំម្នាក់ បើករថយន្តបុកម៉ូតូបណ្តាលអោយស្លាប់ម្នាក់ និងរបួស៦នាក់ផ្សេងទៀត ទាំងយប់នៅក្រុងតាខ្មៅ ដាក់ពន្ធនាគារបណ្តោះអាសន្ន ។
តៃកុងរថយន្តជាជនបង្ករត្រូវចោទពីបទ “បើកបរដោយធ្វេសប្រហែស មិនប្រុងប្រយ័ត្ន បណ្ដាលឲ្យរងរបួស និងស្លាប់ដល់អ្នកដទៃ និងបើកបរក្នុងស្ថានភាពស្រវឹង ” តាមបញ្ញាត្តិមាត្រា៨៣ , ៨៥ និងមាត្រា៧៧ នៃក្រមព្រហ្មទណ្ឌ ” ។
ដែលប្រព្រឹត្តនៅថ្ងៃទី១៦ ខែមេសា ឆ្នាំ២០២១ នៅចំណុចខាងមុខមន្ទីរសម្ភពពិសិដ្ឋ លើផ្លូវ២១ ស្ថិតនៅភូមិថ្មី១ សង្កាត់តាខ្មៅ ក្រុងតាខ្មៅ ខេត្តកណ្ដាល ។
ជនត្រូវចោទមានឈ្មោះ ឈ្មោះ ផុន ថៅរ៉ុម ភេទប្រុស អាយុ៤១ឆ្នាំ មានទីលំនៅផ្ទះលេខ៤៦៩ភូមិក្រពេីហាកេីត សង្កាត់ព្រែកឬស្សី ក្រុងតាខ្មៅ ខេត្តកណ្ដាល ។
បើតាមសមត្ថកិច្ចនគរបាលក្រុងតាខ្មៅបានអោយដឹងថា កាលពីថ្ងៃទី១៦ ខែមេសា ឆ្នាំ២០២១ វេលាម៉ោង១៨និង៣០នាទី ត្រង់ចំណុចខាងមុខមន្ទីរសម្ភពពិសិដ្ឋ លើផ្លូវ២១ស្ថិតនៅភូមិថ្មី១ សង្កាត់តាខ្មៅក្រុងតាខ្មៅ ខេត្តកណ្ដាល មានរថយន្តម៉ាកកាមរីបាឡែនមួយគ្រឿង ពណ៌ទឹកមាស ពាក់ស្លាកលេខភ្នំពេញ2S-3326 បើកបរក្នុងល្បឿនលឿន ក្នុងទិសដៅពីត្បូងមកជេីង មកដល់ចំណុចកេីតហេតុខាងលេី ក៏បានបុកជាមួយម៉ូតូម៉ាក Honda cub ជ្រុង ពណ៌ទឹកប៊ិចពាក់ស្លាកលេខភ្នំពេញ 1BZ-1186អ្នកបើកម៉ូតូមានឈ្មោះ សោម ដានី ភេទស្រី អាយុ៤៥ឆ្នាំ មានទីលំនៅភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្ដាល(រងរបួសបាក់ជេីងខាងឆ្វេង) និងអ្នករួមដំណើរពីក្រោយឈ្មោះ សាម៉េត នីបញ្ញា ភេទប្រុស អាយុ១៧ឆ្នាំ ត្រូវជាកូនមានទីលំនៅ ជាមួយគ្នា (រងរបួសស្រាល) ម៉ូតូបើកក្នុងទិសដៅពី ជេីងទៅត្បូងរួចបត់ឆ្វេងត្រឡប់ក្រោយ ។ រួចរថយន្តខាងលេីបានរេចង្កូតទៅបុកនិងម៉ូតូចំនួន៣គ្រឿងទៀតមាន ៖ ម៉ូតូទី១ មានម៉ាក Honda សង់ ប៊ិច ពណ៌ខ្មៅ ពាក់ស្លាកលេខ ភ្នំពេញ1BF-2600 អ្នកបើកម៉ូតូមិនទាន់ស្គាល់ រងរបួសធ្ងន់ បេីកម៉ូតូមានទិសដៅពីជេីងទៅត្បូង។
ម៉ូតូទី២ មានម៉ាក Honda scoopy ពណ៌ក្រហម ពាក់ស្លាកលេខភ្នំពេញ1BU-1239 អ្នកបេីកម៉ូតូមានឈ្មោះ អន ស្រីនិច ភេទស្រីអាយុ២៣ឆ្នាំមានទីលំនៅភូមិថ្មី សង្កាត់តាខ្មៅក្រុងតាខ្មៅខេត្តកណ្ដាល (ស្លាប់ពេលបញ្ជូនដល់មន្ទីរពេទ្យជ័យជំនះ) និងអ្នករួមដំណេីរពីក្រោយ ២នាក់ ទី១ឈ្មោះ ហ៊ាង សុខហ៊ុន ភេទស្រី អាយុ១៤(របួសស្រាល) ទី២ឈ្មោះ ចាន់ស្រីលក្ខ ភេទស្រីអាយុ១៨ឆ្នាំ(របួសស្រាល)មានទីលំនៅជាមួយគ្នា បេីកម៉ូតូមានទិសដៅពីជេីងទៅត្បូង។ ទី៣ មានម៉ាក Honda click ពណ៌ សពាក់ស្លាកលេខកណ្ដាល1z-0344អ្នកបេីកម៉ូតូមានឈ្មោះ តាំង ម៉េងហុង ភេទប្រុស អាយុ៤៩មានទីលំនៅភូមិលេខ១ក សង្កាត់ស្វាយរលំក្រុងតាខ្មៅខេត្តកណ្ដាល (របួសធ្ងន់បាក់ជេីងខាងឆ្វេង)ម៉ូតូបេីកមានទិសដៅពីជេីងទៅត្បូង។
ចំពោះមធ្យោបាយដែលពាក់ព័ន្ធបានយកមករក្សាទុកបណ្ដោះអាសន្ននៅអធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីច្បាប់ ៕
ដោយ៖ ឆដា
