នគរបាលខណ្ឌដង្កោឃាត់ខ្លួនមនុស្សប្រុសស្រី៥នាក់ដែលធ្វេីដំណេីររួមគ្នាក្នុងរថយន្តសង្គ្រោះបន្ទាន់គ្មានឯកសារបញ្ជាក់ត្រឹមត្រូវ

ចែករំលែក៖

ភ្នំពេញ ៖ មនុស្សប្រុសស្រី៥នាក់ ក្នុងនោះមានម្នាក់ជាកូនប្រធានមណ្ឌលសុខភាពត្រពាំងវែង និងតៃកុងរថយន្តមណ្ឌលសុខភាពត្រពាំងវែង បានដឹកមនុស្សទៅផ្ដល់ឈាមនៅមន្ទីរពេទ្យរុស្សុីដេីម្បីទទួលបានថ្លៃឈ្នួលម្នាក់៣០ដុល្លារអាមេរិក ដោយគ្មានឯកសារបញ្ជាក់ត្រឹមត្រូវ ត្រូវបានកម្លាំងសមត្ថកិច្ចចម្រុះខណ្ឌដង្កោធ្វេីការឃាត់ខ្លួននៅវេលាម៉ោង១០និង០០នាទីព្រឹកថ្ងៃទី២០ ខែមេសា ឆ្នាំ២០២១ នៅ ចំណុចភូមិវត្តស្លែង សង្កាត់ពងទឹក ខណ្ឌដង្កោ រាជធានីភ្នំពេញ។

សមត្ថកិច្ចបានឱ្យដឹងថា មនុស្សប្រុសស្រី៥នាក់ដែលឃាត់ខ្លួនរួមមាន៖ ទី១-ឈ្មោះ ឡុង រាសី ភេទប្រុស អាយុ៣០ឆ្នាំ មុខរបរតៃកុងរថយន្តមណ្ឌលសុខភាពត្រពាំងវែង មានទីលំនៅភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

ទី២-ឈ្មោះ យឹម ចាន់ថន ភេទប្រុស អាយុ ៤៣ឆ្នាំ មុខរបរលក់ដូរ មានទីលំនៅភូមិត្រពាំងបារគូ ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

ទី៣-ឈ្មោះ ឌុត ចាន់រ៉េត ភេទប្រុស អាយុ៤៦ឆ្នាំ មុខរបរលក់ដូរ មានទីលំនៅភូមិត្រពាំងបារគូ ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

ទី៤-ឈ្មោះ ឌុត ចាន់ឌី ភេទស្រី អាយុ ៤២ឆ្នាំ មុខរបរលក់ដូរ មានទីលំនៅភូមិត្រពាំងបារគូ ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

ទី៥-ឈ្មោះ អ៊ុច ផល្លា ភេទស្រី អាយុ ៤១ឆ្នាំ មុខរបរលក់ដូរ មានទីលំនៅភូមិត្រពាំងបារគូ ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ។

សមត្ថកិច្ចបានឱ្យដឹងទៀតថា កាលពីថ្ងៃទី២០ ខែមេសា ឆ្នាំ២០២១ វេលាម៉ោង ១០និង០០នាទី ឈ្មោះ ឡុង រាសី ភេទប្រុស អាយុ៣០ឆ្នាំ បានបើករថយន្តពេទ្យម៉ាកស្ដារិចពណ៌សលាយក្រហម គ្មានស្លាកលេខរបស់អង្គភាពមណ្ឌលសុខភាពត្រពាំងវែង ភូមិព្រៃទទឹង ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល ដឹកប្រជាពលរដ្ឋចំនួន៤នាក់ខាងលេីចេញពីភូមិត្រពាំងបារគូ ឃុំត្រពាំងវែង ស្រុកកណ្ដាលស្ទឹង ខេត្តកណ្ដាល មកផ្ដល់ឈាមនៅមន្ទីរពេទ្យរុស្ស៊ី ក្នុងថ្លៃឈ្នួលម្នាក់ចំនួន៣០ដុល្លារអាមេរិក ដើម្បីយកឲ្យអ្នកជំងឺឈ្មោះ មិត្ត ចាន់ធឿន ភេទស្រី អាយុ៤៥ឆ្នាំ ដែលកំពុងសម្រាកព្យាបាលនៅមន្ទីរពេទ្យជោរី តែពេលធ្វើដំណើរតាមផ្លូវជាតិលេខ៣ មកដល់ចំណុចខាងមុខវត្តស្លែងកន្លែង

កេីតហេតុ ក៏បានជួបសមត្ថកិច្ចនគរបាលខណ្ឌដង្កោនៅគោលដៅ ហើយសមត្ថកិច្ចបានឃាត់ធ្វើការត្រួតពិនិត្យឃើញថាពុំមានឯកសារបញ្ជាក់ត្រឹមត្រូវក៏ហៅមកធ្វើការសួរនាំនៅប៉ុស្ដិ៍នគរបាលរដ្ឋបាលពងទឹកតែម្ដង។

សមត្ថកិច្ចបានបញ្ចាក់ទៀតថា ការដែលឈ្មោះ ឡុង រាសី ដឹកប្រជាពលរដ្ឋខាងលើមកផ្ដល់ឈាមដោយមានការអនុញ្ញាតពីឈ្មោះឡុង រី ភេទប្រុស អាយុ៥៧ឆ្នាំ ជាប្រធានមណ្ឌលសុខភាពត្រពាំងវែង (ត្រូវជាឪពុកបង្កើតរបស់ឈ្មោះ ឡុង រាសី) ៕