សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ បេីយោងតាមប្រភពព័ត៌មានពីអ្នកលេងក្នុងបណ្ដាញសង្គមហ្វេសប៊ុក បាននាំគ្នាសរសេរបង្ហោះដោយអមជាមួយនឹងរូបភាពស្រី្តពោះធំម្នាក់ ដែលត្រូវម្ចាស់ផ្ទះជួលឲ្យរេីចេញ ក្នុងអំឡុងកូវីដ១៩។ ប៉ុន្តែដោយក្ដីអាណិតអាសូមព័ត៌មាននេះ បានលឺដល់ភរិយារបស់លោក ស សុខា រដ្ឋលេខាធិការក្រសួងអប់រំយុវជននិងកីឡា គឺលោកស្រី កែ សួនសុភី បានជួយអន្តរាគមន៍ភ្លាមៗផងដែរ។
ជាក់ស្ដែងអ្នកលេងបណ្ដាញសង្គមបាននាំគ្នាបង្ហោះតៗគ្នាថា៖ ពុទ្ធោអេីយ! ជិតគ្រប់ខែ គ្មានប្រាក់សម្រាលកូនជារឿងមួយ។ តែចំពោះមុខគ្មានប្រាក់បង់ថ្លៃផ្ទះជួល ត្រូវម្ចាស់ផ្ទះជួលបង្ខំឱ្យរេីចេញកាន់តែទឹកចូលច្រមុះ។ ឯណាទៅព្រហ្មវិហារធម៌ សីលធម៌ គុណធម៌ និងការយកអសារគ្នា ជួយគ្នាក្នុងគ្រាក្ររបស់ម្ចាស់ផ្ទះជួលនោះ?
តែជាភ័ព្ទសំណាង នៅពេលបានទទួលដំណឹងថា បងស្រី យឹម សុផា ពុំមានប្រាក់សម្រាលកូន និងពុំមានប្រាក់បង់ថ្លៃផ្ទះជួល ត្រូវបង្ខំឱ្យរេីចេញនោះ លោកស្រី កែ សួនសុភី បានចាត់តាំងក្រុមការងារនាំយកជំនួយសង្គ្រោះបឋមទៅជួយបន្ទាន់ និងក៏បានឱ្យលោក អាំង សិរីពិសិដ្ឋ ចាត់ចែងសម្របសម្រួលរកផ្ទះជួលថ្មីឱ្យបងស្រីអាស្រ័យនៅរួចរាល់។
ក្រៅពីនេះ លោកស្រី កែ សួនសុភី ក៏បានឧបត្ថម្ភថវិកាចំណយ ដេីម្បីសម្រាលកូនពេលខាងមុខនេះថែមទៀតផង។ ជំនួយដែលនាំទៅជូនតាមរយៈលោក អាំង សិរីពិសិដ្ឋ រួមមាន អង្ករ៤បេ មី១កេស ត្រីខ៣យួរ ទឹកត្រី១យួរ ទឹកស៊ីអ៉ីវ១យួរ អំបិល ស្កសរ ប៊ីចេង សៀង ឆៃប៉ូវ ទឹកសុទ្ធ និងថវិកា២០ម៉ឺនរៀល។
នេះជាទឹកចិត្តសប្បុរសគួរយកជាគម្រូ! 🙏នេះហៅថា ក្នុងនាមជាស្ត្រីដូចគ្នា ធ្លាប់ពពោះ និងសម្រាលបុត្រដូចគ្នា ដឹងការលំបាក ការឈឺចាប់ដូចគ្នា។ មានតែស្ត្រីទេ ទេីបដឹងពីសុខទុក្ខស្ត្រីដូចគ្នា។ ឆ្លងទន្លេគ្មានមែកគ្មានធាង គ្មានកោះគ្មានត្រេីយ ជាធម្មជាតិនៃស្ត្រីគ្រប់ឋានៈ។ តែបេីចំពោះស្ត្រីពពោះដែលគ្មានប្រាក់ចំណាយដេីម្បីសម្រាល ហេីយគ្មានទាំងជម្រកស្នាក់នៅទៀត តេីលំបាកប៉ុណ្ណា?
#ibelieveyou
#ទំនុកចិត្តជាអាវុធដ៏សំខាន់ក្នុងការស្វែករកយុត្តិធម៌!
