សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ យោធាខួរក្បាលមិនល្អ ! ខៀវ ចាន់សុភក្ត្រា ដែលបានបេីកបរម៉ូតូបុកបារាសបិទខ្ទប់ ជេរប្រមាទ និងវាយបង្ករបួសស្នាមមកលេីសមត្ថកិច្ច ត្រូវបានសាលាដំបូងរាជធានីភ្នំពេញចេញដីកាឃុំខ្លួន ។ នេះបើយោងតាមក្រុមការងារព័ត៌មាន និងប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ បញ្ជាក់អោយដឹងនៅព្រឹកថ្ងៃទី២៣ ខែមេសា ឆ្នាំ២០២១។
ដោយបញ្ជាក់ថា, បុរសម្នាក់ឈ្មោះ ខៀវ ចាន់សុភក្ត្រា ដែលបានបេីកបរម៉ូតូបុកបារាសបិទខ្ទប់ ជេរប្រមាទ និងវាយបង្ករបួសស្នាមមកលេីសមត្ថកិច្ច ត្រូវបានសាលាដំបូងរាជធានីភ្នំពេញចេញដីកាឃុំខ្លួន និងត្រូវបានសមត្ថកិច្ចបញ្ជូនទៅពន្ធធនាគារកាលពីរសៀលថ្ងៃទី២២ ខែមេសា ឆ្នាំ២០២១ ។
សូមបញ្ជាក់ថា, បុរសម្នាក់ឈ្មោះ ខៀវ ចាន់សុភក្ត្រា អាយុ៣១ឆ្នាំ ត្រូវបានសមត្ថកិច្ចនៃអធិការខណ្ឌជ្រោយចង្វាធ្វេីការឃាត់ខ្លួននៅព្រឹកថ្ងៃ២០ ខែមេសា ឆ្នាំ២០២១ ដោយការបេីកបរម៉ូតូបុកបារាសបិទខ្ទប់នៅគោលដៅរង្វង់មូលតាព្រហ្ម ខណ្ឌជ្រោយចង្វា ដោយបានជេរប្រមាទមេីលងាយ និងវាយបង្ករបួសស្នាមមកលេីសមត្ថកិច្ច ។
ក្រោយមកឃើញបង្ហាញសំបុត្រពេទ្យចំនួន២ ដែលបញ្ជាក់ពីមានបញ្ហាខួរក្បាល និងមានវិបត្តិផ្លូវចិត្ត៕
ដោយ ៖ សិលា
