សារព័ត៌មាន នគរវត្ត តែងតែនាំមុខគេជានិច្ច
ខេត្តកណ្ដាល ៖ ជនសង្ស័យ៥នាក់ត្រូវបានកម្លាំងសមត្ថកិច្ចនគរបាលស្រុកខ្សាច់កណ្ដាលឃាត់ខ្លួនករណីជួញដូរនិងរក្សាគ្រឿងញៀនដោយខុសច្បាប់។
ហេតុការណ៍នេះបានកើតឡើងនៅវេលាម៉ោង១៦៖០០នាទីល្ងាចថ្ងៃទី២០ ខែឧសភា ឆ្នាំ២០២១ ស្ថិតក្នុងផ្ទះ ភូមិល្វា ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។
សមត្ថកិច្ចបានឲ្យដឹងថាជនសង្ស័យទាំង៥នាក់មាន ៖
១-ឈ្មោះ វ៉ាន ភារ៉ូ ភេទប្រុស អាយុ២៥ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅភូមិក្នុង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។
២-ឈ្មោះ បុល មករា ភេទប្រុស អាយុ២១ឆ្នាំ មុខរបរមិនពិតប្រាកដ ជនជាតិខ្មែរ មានទីលំនៅភូមិក្នុង ឃុំព្រែកតាមាក់ ស្រុកខ្សាច់កណ្តាល ខេត្តកណ្តាល ។
៣-ឈ្មោះ វ៉ាន់ ឡាំ ភេទប្រុស អាយុ២៣ឆ្នាំ មុខរបរជាងផ្សារដែក ជនជាតិខ្មែរ មានទីលំនៅភូមិពុកឬស្សីក្រោម ឃុំពុកឬស្សី ស្រុកខ្សាច់កណ្តាល ខេត្តកណ្តាល ។
៤-ឈ្មោះ ចែម បញ្ញា ភេទប្រុស អាយុ២៨ឆ្នាំ មុខរបរជាងទូរស័ព្ទ ជនជាតិខ្មែរ មានទីលំនៅភូមិព្រែកតាកូវ ឃុំព្រែកតាកូវ ស្រុកខ្សាច់កណ្តាល ខេត្តកណ្តាល ។
៥-ឈ្មោះ កិន ជិនឡា ភេទប្រុស អាយុ២៣ឆ្នាំ មុខរបរជាងផ្សារដែក ជនជាតិខ្មែរ មានទីលំនៅភូមិពុកឬស្សីកណ្តាល ឃុំពុកឬស្សី ស្រុកខ្សាច់កណ្តាល ខេត្តកណ្តាល ។
ក្រោយឃាត់ខ្លួនសមត្ថកិច្ចបានចាប់យកវត្ថុតាងរួមមាន៖
១-ថ្នាំញៀនប្រភេទ មេតំហ្វេតាមីនចំនួន០២កញ្ចប់មធ្យម=ទំងន់ ១៧.៧៥ក្រាម.
២-ជញ្ជីងសំរាប់ថ្លឹងថ្នាំញៀនចំនួន០២គ្រឿង
៣-ទូរស័ព្ទដៃចំនួន០៤គ្រឿង
៤-ម៉ូតូចំនួន០២គ្រឿង។
៥-ឧបករណ៍ប្រេីប្រាស់ថ្នាំញៀនរួមជាមួយសំភារ:សំរាប់វេចខ្ចប់ថ្នាំញៀនមួយចំនួនទៀត។
សមត្ថកិច្ចបានបន្តទៀតថានៅមុនពេលកេីតហេតុ មានប្រជាពលរដ្ឋបានរាយការណ៍ថា មានការជួញដូរថ្នាំញៀននៅចំណុចកេីតហេតុខាងលេី ភ្លាមនោះកម្លាំងផ្នែកប្រឆាំងគ្រឿងញៀនស្រុក បានសហការជាមួយកម្លាំងប៉ុស្តិ៍នគរបាលព្រែកតាកូវ បានចុះទៅបង្រ្កាបហេីយឃាត់បានឈ្មោះ វ៉ាន ភារ៉ូ , ឈ្មោះ បុល មករា , ឈ្មោះវ៉ាន់ ឡាំ , ឈ្មោះចែម បញ្ញា និងឈ្មោះ កិន ជិនឡា ហេីយដកហូតបានថ្នាំញៀនចំនួន០២កញ្ចប់មធ្យម បន្ទាប់មកសមត្ថកិច្ចនគរបាលក៏បាលបញ្ជូនជនសង្ស័យទាំង៥នាក់រួមជាមួយវត្ថុតាងមកកាន់អធិការដ្ឋាននគរបាលស្រុកខ្សាច់កណ្តាលដេីម្បីបន្តនីតិវិធី៕
ដោយ៖ ស សម
