សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ ក្រោមការយកចិត្តទុកដាក់ដឹកនាំការងាររបស់លោក ឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម សមត្ថកិច្ចនគរបាលចម្រុះខេត្តបានបេីកប្រតិបត្តិការបង្ក្រាបលក្ខណ:ទ្រង់ទ្រាយធំ និងច្រេីនដំណាក់កាលលេីក្រុមរកស៊ីជួញដូរគ្រឿងញៀន ហើយឃាត់ខ្លួនជនសង្ស័យជាបន្តបន្ទាប់សរុប១៤នាក់ដែលនៅទីតាំងផ្សេងៗគ្នា និងដកហូតវត្ថុតាងជាច្រេីននាំមករក្សាទុកនៅស្នងការដ្ឋានខេត្តដេីម្បីបញ្ជូនទៅសាលាដំបូងខេត្តកំពង់ចាមចាត់ការតាមច្បាប់។
លោកឧត្តមសេនីយ៍ទោ ឯម កុសល បានប្រាប់ភ្នាក់ងារនគរវត្តនិងនគរដ្រាហ្កន ឱ្យដឹងថា ដំណាក់កាលទី១ ៖ ចូលរួមដោយកម្លាំងជំនាញផែនការងារប្រឆាំងគ្រឿងញៀនខេត្តកំពង់ចាម សហការជាមួយកម្លាំងនគរបាលស្រុកកំពង់សៀម ដឹកនាំដោយលោកលោកវរសេនីយ៍ឯក ឯក ប៉ាន់ដន អធិការនគរបាលស្រុកកំពង់សៀម និង ឧត្តមសេនីយ៍ត្រី ជីវ សេងរស់ ស្នងការរង បានប្រើវិធានការរដ្ឋបាលចំហឃាត់ខ្លួនជនសង្ស័យបានចំនួន៣នាក់ដែលមានឈ្មោះដូច ខាងក្រោម ៖
១-ឈ្មោះ តុង សុធាចា ភេទប្រុស អាយុ ២០ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិក្តីចាស់ សង្កាត់បាក់ខែង ខណ្ឌជ្រោយចង្វា រាជធានីភ្នំពេញ ។
២-ឈ្មោះ វ័រ រ៉ាវុធ ភេទប្រុស អាយុ២៤ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិខ្សាច់កណ្តាល ឃុំខ្សាច់កណ្តាល ស្រុកមុខកំពូល ខេត្តកណ្តាល។
៣-ឈ្មោះ ហួន ប៉ូឡូ ភេទប្រុស អាយុ ២៣ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិក្តីចាស់ សង្កាត់បាក់ខែង ខណ្ឌជ្រោយចង្វា រាជធានីភ្នំពេញ ។
កម្លាំងសមត្ថកិច្ចបានដកហូតវត្ថុតាងរួមមាន ម្សៅក្រាមពណ៌សសង្ស័យជាថ្នាំញៀនចំនួន១កញ្ចប់ធំ ទូរស័ព្ទដៃចំនួន ៣គ្រឿង និងម៉ូតូចំនួន២គ្រឿង ។
លោកឧត្តមសេនីយ៍បន្តឱ្យដឹងថា ដំណាក់កាលទី២ ៖ បន្ទាប់ពីឃាត់ខ្លួន និងទទួលបានចម្លើយរបស់ជនសង្ស័យទាំង៣នាក់ខាងលើមក សមត្ថកិច្ចបានបន្តសហការជាមួយកម្លាំងជំនាញនៃមន្ទីរប្រឆាំងគ្រឿងញៀនរាជធានីភ្នំពេញ និងកម្លាំងជំនាញនៃអធិការដ្ឋាននគរបាលស្រុកពារាំង ខេត្តព្រៃវែង និងជំនាញខេត្តកណ្តាលបានធ្វើការឃាត់ខ្លួនជនសង្ស័យបានចំនួន៣នាក់ទៀត ក្នុងនោះមានស្រី១នាក់ ដែលមានឈ្មោះដូចខាងក្រោម ៖
១-ឈ្មោះ វ៉េង សាវ័ន ភេទប្រុស អាយុ ៣៤ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិចំបក់មាស សង្កាត់បាក់ខែង ខណ្ឌជ្រោយចង្វា រាជធានីភ្នំពេញ ជាមុខសញ្ញាមានដីកាបញ្ជាឱ្យចូលខ្លួនលេខ០៥អយគ ចុះថ្ងៃទី១៩ ខែ ឧសភាឆ្នាំ ២០២១របស់លោក សាន សុភៈ តំណាងអយ្យការអមសាលាដំបូងខេត្តកំពង់ចាម។
២-ឈ្មោះ លីម ប៊ុនធឿន ភេទស្រី អាយុ ៣៨ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិស្នាយពុល ឃុំរកា ស្រុកពារាំង ខេត្តព្រៃវែង ។
៣-ឈ្មោះ សុត ភារ: ភេទប្រុស អាយុ ២៤ឆ្នាំ ជនជាតិខ្មែរ មុខរបរ មិនពិតប្រាកដ រស់នៅភូមិឈើទាល ឃុំព្រែកអញ្ចាញ ស្រុកមុខកំពូល ខេត្តកណ្តាល ។
វត្ថុតាងដកហូតរួមមាន ៖ ម្សៅក្រាមពណ៌សសង្ស័យជាថ្នាំញៀនចំនួន ១កញ្ចប់ ឆ្នាំងសម្រាប់អ៊ុតថង់ច្រកថ្នាំញៀនចំនួន១គ្រឿង ទូរស័ព្ទដៃចំនួន ៣គ្រឿង, ជញ្ជីងអេឡិចត្រូនិកសម្រាប់ថ្លឹងថ្នាំញៀនចំនួន១គ្រឿង, សម្ភារវេចខ្ចប់ថ្នាំញៀនមួយចំនួនធំ ប្រាក់រៀល១០លានរៀល ប្រាក់ដុល្លារ១០០០ដុល្លារ លោហធាតុពណ៌លឿង ប្រភេទខ្សែកចំនួន២ខ្សែ ចិញ្ចៀនចំនួន១វង់ ខ្សែដៃចំនួន១ខ្សែ រថយន្តចំនួន១គ្រឿង និងម៉ូតូចំនួន១គ្រឿង ។
ដំណាក់កាលទី៣ ៖ លុះមកដល់ថ្ងៃទី២០ ខែឧសភា ឆ្នាំ២០២១ ផ្អែកតាមចម្លើយសារភាពរបស់ជនសង្ស័យខាងលើ សមត្ថកិច្ចយើងបានបន្តសហការជាមួយកម្លាំងជំនាញ នៃអធិការដ្ឋាននគរបាលក្រុងសួង ខេត្តត្បូងឃ្មុំ បានបន្តឃាត់ខ្លួនជនសង្ស័យចំនួន៨នាក់ទៀតមានឈ្មោះដូចខាងក្រោមនេះ ៖
១-ឈ្មោះ ប៉ាង ភារម្យ ភេទប្រុស អាយុ ២៦ឆ្នាំ សញ្ជាតិខ្មែរ មុខរបរកសិករ រស់នៅភូមិជើងឡង សង្កាត់សួង ក្រុងសួង ខេត្តត្បូងឃ្មុំ ។
២-ឈ្មោះ ស្លេះ ណូរ៉ុន ភេទប្រុស អាយុ ២១ឆ្នាំ សញ្ជាតិខ្មែរអ៊ិស្លាម មុខរបរ កសិករ រស់នៅភូមិជើងឡង សង្កាត់សួង ក្រុងសួង ខេត្តត្បូងឃ្មុំ ។
៣-ឈ្មោះ ស្លេះ រ៉នី ភេទប្រុស អាយុ ១៩ឆ្នាំ សញ្ជាតិខ្មែរអ៊ិស្លាមមុខរបរកសិករ រស់នៅភូមិជើងឡង សង្កាត់សួង ក្រុងសួង ខេត្តត្បូងឃ្មុំ។
៤-ឈ្មោះ តាំង គីមហុង ភេទប្រុស អាយុ៣៥ឆ្នាំ សញ្ជាតិខ្មែរ មុខរបរកសិករ រស់នៅភូមិដំរិល ឃុំប្រធាតុ ស្រុកអូររាំងឪ ខេត្តត្បូងឃ្មុំ។
៥-ឈ្មោះ ប៊ុន ធូ ភេទប្រុស អាយុ២៨ឆ្នាំ សញ្ជាតិខ្មែរ មុខរបរកសិករ រស់នៅភូមិទួល ឃុំមង់រាវ ស្រុកត្បូងឃ្មុំ ខេត្តត្បូងឃ្មុំ។
៦-ឈ្មោះ ផន សុផា ភេទប្រុស អាយុ ២០ឆ្នាំ សញ្ជាតិខ្មែរ មុខរបរកសិករ រស់នៅភូមិថ្មី សង្កាត់វិហារហ្លួង ក្រុងសួង ខេត្តត្បូងឃ្មុំ។
៧-ឈ្មោះ ផាត សុខជា ភេទប្រុស អាយុ ២០ឆ្នាំ សញ្ជាតិខ្មែរ មុខរបរកសិករ ភូមិថ្មី សង្កាត់វិហារហ្លួង ក្រុងសួង ខេត្តត្បូងឃ្មុំ ។
៨-ឈ្មោះ ហួត បូណា ភេទប្រុស អាយុ ២៥ឆ្នាំ សញ្ជាតិខ្មែរ មុខរបរកសិករ រស់នៅភូមិថ្មី សង្កាត់វិហារហ្លួង ក្រុងសួង ខេត្តត្បូងឃ្មុំ។
វត្ថុតាងដកហូតរួមមាន៖ ម្សៅក្រាមពណ៌សសង្ស័យជាថ្នាំញៀនចំនួន ៣កញ្ចប់ ទូរស័ព្ទដៃចំនួន៧គ្រឿង និងម៉ូតូចំនួន ១គ្រឿង ។
សូមបញ្ជាក់ថា កន្លងមកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម តែងដាក់ចេញនូវវិធានការភូមិឃុំមានសុវត្ថិភាព ដេីម្បីរក្សាឱ្យបានសុខសុវត្ថិភាពជូនប្រជាពលរដ្ឋក្នុងខេត្តជានិច្ចកាល ហើយកាបង្ក្រាប ទទួលលទ្ធផលល្អខាងលេីនេះ គឹដោយ សារការសហការចូលរួមសម្របសម្រួលពីលោក សាន សុភៈ ព្រះរាជអាជ្ញារងនៃអយ្យការអមសាលាដំបូងខេត្តកំពង់ចាម ៕
ដោយ ៖ វណ្ណៈ
