សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ: នៅរសៀលថ្ងៃទី២៩ ខែកក្កដា ឆ្នាំ២០២១ ផេកផ្លូវការ របស់ Cambodia SEA GAMES 2023បានបញ្ជាក់ថា, ខាងក្រោមនេះ គឺជាពេលវេលាប្រកួតរបស់កីឡាករ-កីឡាការិនីកម្ពុជា ក្នុងការប្រកួត TOKYO OLYMPIC GAMES 2020។ ផេកផ្លូវការ របស់ Cambodia SEA GAMES 2023បាន បានលើកឡើងថា, កីឡាហែលទឹក រួមមានកីឡាករ ហែម ប៊ុច និងកីឡាការិនី ឃឿន ប៊ុនពេជ្រមរកត ដែលត្រូវប្រកួតលើវិញ្ញាសាហែល ៥០ម៉ែត្រសេរី នឹងត្រូវប្រកួតនាវេលាម៉ោង ១៩៖០០នាទី ថ្ងៃទី៣០ ខែកក្កដា ឆ្នាំ២០២១ (ត្រូវនឹងម៉ោង ៥ល្ងាចម៉ោងនៅកម្ពុជា) នៅមជ្ឈមណ្ឌលកីឡាហែលទឹក Tokyo Aquatics Centre ។
កីឡាអត្តពលកម្ម គឺកីឡាករ ប៉ែន សុគង់ ដែលត្រូវប្រកួតលើវិញ្ញាសារត់ល្បឿនចម្ងាយ ១០០ម៉ែត្រ នឹងត្រូវប្រកួតនាវេលាម៉ោង ១១៖៣០នាទី ថ្ងៃទី៣១ ខែកក្កដា ឆ្នាំ២០២១ (ត្រូវនឹងម៉ោង ៩៖៣០នាទីព្រឹកម៉ោងនៅកម្ពុជា) នៅពហុកីឡដ្ឋាន Olympic Stadium ។
សូមជូនពរកីឡាករ-កីឡាការិនីហែលទឹក និងអត្តពលកម្មជម្រើសជាតិកម្ពុជា ទទួលបានលទ្ធផលល្អ ក្នុងការប្រកួតព្រឹត្តិការណ៍ពិភពលោក ៤ឆ្នាំម្ដងនេះ ។
Tokyo_Olympic_Game_2020
យើងនាំគ្នាឆ្ពោះទៅ_ស៊ីហ្គេម_អាស៊ានប៉ារ៉ាហ្គេម_ឆ្នាំ២០២៣_ទាំងអស់គ្នា
កីឡារស់ក្នុងសន្ដិភាព ៕
ដោយ៖សិលា
