«ព្រះមហាក្សត្រ ប្រោសព្រះរាជទានព្រះរាជសាររអបអរសាទរជូន លោកប្រធានាធិបតី នៃសាធារណរដ្ឋប៉េរូ»

ភ្នំពេញ, ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត ព្រះអង្គសព្វព្រះរាជហឫទ័យប្រោសព្រះរាជទានព្រះរាជសារអបអរសាទរយ៉ាងកក់ក្តៅ ជូនចំពោះ លោក Pedro Castillo ក្នុងឱកាសនៃពិធីស្បថចូលកាន់តំណែងជាប្រធានាធិបតី នៃសាធារណរដ្ឋប៉េរូ។

សូមបញ្ជាក់ផងដែរថា, ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា កន្លងទៅ ក៏ប្រោសព្រះរាជទានព្រះរាជសាររអបអរសាទរជូន លោកប្រធានាធិបតីអាមេរិក ដោយទ្រង់លើកឡើងនូវពាក្យ (ស្លោក)ថា, ជយោ! ចំណងមិត្តភាព 🇰🇭 កម្ពុជា — អាមេរិក 🇺🇸

ព្រះរាជសារអបអរសាទរយ៉ាងកក់ក្តៅដ៏ឧត្តុង្គឧត្តម នៃព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃ ព្រះរាជាណាចក្រកម្ពុជា ជាទីគោរពសក្ការ:ដ៏ខ្ពង់ខ្ពស់បំផុត ប្រោសព្រះរាជទានជូន លោក Joe Biden ប្រធានាធិបតី នៃសហរដ្ឋអាមេរិក ក្នុងឱកាសដ៏វិសេសវិសាលនៃទិវាបុណ្យឯករាជ្យជាតិសហរដ្ឋអាមេរិក៕

ដោយ៖សិលា