សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ វីរុសកូវីដដែលបានរកឃើញដំបូងនៅប្រទេសចិន កំពុងប្រជែងឡើងស៊េរីថ្មីៗមិនចាញ់ទូរស័ព្ទ IPhone ផលិតដោយអាមេរិកឡើយ។ នេះជាការលើកឡើងរបស់ លោក ពុយ គា អ្នកកាសែតអាជីពជើងយូរ បានបង្ហោះ លើ facebook នៅរាត្រីថ្ងៃទី១២ ខែមករា ឆ្នាំ២០២២។
លោក ពុយ គា ពិពណ៌នាថា, វីរុសកូវីដដែលបានរកឃើញដំបូងនៅប្រទេសចិន កំពុងប្រជែងឡើងស៊េរីថ្មីៗមិនចាញ់ទូរស័ព្ទ IPhone ផលិតដោយអាមេរិកឡើយ ។ ចាប់តាំងពីកកើតមក ៤ជំនាន់ដំបូងវីរុសនេះមានឈ្មោះសុទ្ធតែស៊េរី “អា” ៖ Alpha, Beta, Gamma និង Delta ។ ចូលដល់ជំនាន់ទី៦ កូវីដបានតម្លើងស៊េរីកូនកាត់ថ្មីមួយទៀតពី “មីក្រុង” ទៅជា “តាក្រុង” (Omicron »» Deltacron) ។
លោកលើកឡើងថា, នរណាជាអ្នកដាក់ឈ្មោះឱ្យវីរុសនេះ?
គណៈកម្មាធិការអន្តរជាតិស្តីពីការរកំណត់មេរោគ (International Committee on Taxonomy of Viruses = ICTV) និងអង្ការសុខភាពពិភពលោក (World Health Organuzation) ជាអ្នកដាក់ឈ្មោះឱ្យមេរោគនិងវីរុសដោយផ្អែកលើរចនាសម្ព័ន្ធហ្សែនរបស់វា ដើម្បីសម្រួលដល់ការបង្កើតការធ្វើតេស្ដរោគវិនិច្ឆ័យ បង្កើតវ៉ាក់សាំង និងថ្នាំដើម្បីការពារនិងព្យាបាល ៕
ប្រភព៖លោក ពុយ គា
