សារព័ត៌មាន នគរវត្ត តែងតែនាំមុខគេជានិច្ច
ក្លិបហង្សក្រហម Liverpool សម្លឹងរកការបញ្ចប់កិច្ចព្រមព្រៀងមួយសម្រាប់តារាឆ្នើម Fabio Carvalho របស់ក្លិប Fulham តែសម្រាប់ការផ្ទេរនៅរដូវកាលក្រោយ។
ការបរាជ័យរបស់ពួកគេក្នុងការបិទទីផ្សារដោះដូរកីឡាករអាចនឹងមានផលវិបាកយ៉ាងធ្ងន់ធ្ងរជាមួយនឹងក្លិប Barcelona និង Real Madrid ដែលចូលរួមការប្រជែងដណ្តើមយកកីឡាករព័រទុយហ្គាល់រូបនេះដែលមានទេពកោសល្យ។
កុងត្រារបស់កីឡាករវ័យជំទង់រូបនេះនឹងផុតកំណត់នៅរដូវក្តៅនេះ ហើយក្រុមហង្សក្រហម Liverpool នៅតែចាប់អារម្មណ៍ក្នុងការបញ្ចប់កិច្ចព្រមព្រៀងមួយ ប៉ុន្តែបញ្ហាមួយចំនួននៅទ្វីបអឺរ៉ុបកំពុងរំជើបរំជួល ដែលអាចធ្វើឲ្យកីឡាកររូបនេះមានការចាប់អារម្មណ៍ច្រើនពីក្លិបធំៗ។
ការពិតដែលថាគាត់នឹងក្លាយជាការផ្ទេរដោយមិនគិតថ្លៃមានន័យថា ក្លិប Barcelona និង Real Madrid អាចល្បួងកីឡាករជាមួយនឹងកិច្ចសន្យាដែលមានទំហំមួយ ខណៈដែលពួកគេសម្លឹងមើលដើម្បីបន្តគោលនយោបាយរៀងៗខ្លួនក្នុងការជៀសវាងតម្លៃផ្ទេរដ៏ធំក្នុងប៉ុន្មានឆ្នាំថ្មីៗនេះ។
ជាមួយគ្នានេះ Liverpool នៅតែត្រូវបានចាត់ទុកថា ជាក្រុមដែលពេញចិត្តដោយសារតែការចាប់អារម្មណ៍ដោយផ្ទាល់របស់លោក JurgenKlopp ចំពោះកីឡាករវ័យក្មេង និងការពិតដែលថាលក្ខខណ្ឌត្រូវបានយល់ព្រមជាមួយភាគីពាក់ព័ន្ធ។
សូមបញ្ជាក់ថា កីឡាករ Fabio Carvalho មានវ័យ១៩ឆ្នាំកំពុងលេងឲ្យក្លិប Fulham ជាអតីតកីឡាករយុវជនរបស់ក្លិប Benfica ហើយបានមកលេងនៅក្លិបអង់គ្លេសកាលពីឆ្នាំ២០១៤ ដោយបង្ហាញខ្លួនបាន២០ប្រកួត និងរកបាន៨គ្រាប់ ៕
ដោយ៖ ភារៈ(រូបភាព ៖ MARCA)
