សារព័ត៌មាន នគរវត្ត តែងតែនាំមុខគេជានិច្ច
សមាជិកកីឡាកររបស់ក្រុម Manchester United ចង់ឱ្យក្លិបបង្កើនការតាមប្រមាញ់គ្រូបង្វឹកក្រុម Paris Saint-Germain លោក Mauricio Pochettino មកដឹកនាំក្រុមនៅរដូវកាលក្រោយ។ សមាជិកជាន់ខ្ពស់មួយចំនួននៃក្រុម Man United ត្រូវបានគេយល់ថា ចង់ធ្វើការក្រោមការដឹកនាំរបស់អតីតអ្នកចាត់ការ Spurs រូបនេះ។
ខណៈដែលគ្រូបង្វឹកបណ្តោះអាសន្នលោក Ralf Rangnick នៅតែជាអ្នកគាំទ្រលោក Erik Ten Hag គ្រូបង្វឹកក្លិប Ajax ហើយនឹងមានការជជែកក្នុងការជ្រើសរើសអ្នកគ្រប់គ្រងបន្ទាប់។ នាយកប្រតិបត្តិថ្មី Richard Arnold ដែលបានចូលកាន់តំណែងពីលោក Ed Woodward កាលពីខែមុន ដឹងពីតម្រូវការដើម្បីផ្លាស់ប្តូរយ៉ាងឆាប់រហ័សលើការតែងតាំងគ្រូបង្វឹកថ្មី។
លោក Pochettino ដែលស្ថិតក្រោមសម្ពាធក្នុងពេលដឹកនាំ PSG បានបញ្ជាក់យ៉ាងច្បាស់ថា គាត់នឹងមានបំណងចង់ត្រឡប់ទៅ Premier League វិញ។ ក្រុម PSG និងលោក Pochettino ប្រឈមមុខនឹងគូប្រជែងដ៏លំបាកក្នុងវគ្គ១៦ក្រុមចុងក្រោយក្នុង Champions League ជាមួយក្រុមReal Madrid នៅថ្ងៃអង្គារសប្តាហ៍ក្រោយ ដែលជាក្លិបមួយផ្សេងទៀតបានបង្ហាញចំណាប់អារម្មណ៍លើបុរសអាហ្សង់ទីនរូបនេះ។
លោក Erik Ten Hag គ្រូបង្វឹកក្លិប Ajax មានអាយុ៥២ឆ្នាំក៏នៅតែមានកម្រិតខ្ពស់នៅក្នុងបញ្ជីសម្រាំងរបស់ក្លិប Man United ដែលជាការណែនាំពីលោក Rangnick ជំរុញការទាមទាររបស់គាត់សម្រាប់កៅអីក្តៅនៅ Old Trafford ។ គ្រូបង្វឹករបស់ Ajax រូបនេះហាក់ដូចជាត្រៀមខ្លួនរួចជាស្រេចក្នុងការផ្ទេរពីក្លិបហុល្លង់នៅរដូវក្តៅបានត្រៀមខ្លួនដើម្បីឈ្នះពានរង្វាន់លីគកំពូលហុល្លង់ Eredivisie លើកទី៣ក្រោមការកាន់កាប់របស់គាត់។
លោក Ten Hag ដែលបានឈានដល់វគ្គពាក់កណ្តាលផ្តាច់ព្រ័ត្រនៃក្របខ័ណ្ឌ Champions League ក្នុង២០១៨-២០១៩ បានដឹកនាំក្រុម Ajax ឆ្លងកាត់យុទ្ធនាការដ៏គួរឱ្យចាប់អារម្មណ៍មួយផ្សេងទៀតនៃក្របខ័ណ្ឌ Champions League។ ក្លិបមិនស្គាល់ចាញ់សោះក្នុងវគ្គចែកពូល ហើយត្រូវប៉ះ Benfica ក្នុងវគ្គ១៦ក្រុមចុងក្រោយ។
ទន្ទឹមនឹងនោះក្រុម Man United នឹងជួបក្រុម Atletico Madrid ក្នុង Champions League ក្នុងរយៈពេល២សប្តាហ៍ទៀត។ ប៉ុន្តែមុនពេលនេះក្រុមបិសាចក្រហមមានការប្រកួតជាមួយក្រុម Southampton, Brighton និង Leeds ដើម្បីប្រជែងដណ្តើមកៅអី Top 4 នៅ Premier League ៕
ដោយ៖ ភារៈ(រូបភាព ៖ express.com)
