សារព័ត៌មាន នគរវត្ត តែងតែនាំមុខគេជានិច្ច
ខេត្តកោះកុង៖ នគរបាលស្រុកស្រែអំបិល នៃស្នងការដ្ឋាននគរបាលខេត្តកោះកុង បានកសាងសំណុំរឿងបញ្ជូនមុខសញ្ញាជួញដូរគ្រឿងញៀនម្នាក់ ទៅកាន់ការិយាល័យប្រឆាំងគ្រឿងខេត្ត ដេីម្បីចាត់ការតាមច្បាប់ បន្ទាប់ពីឃាត់ខ្លួនយកមកសាកសួរកាលពីវេលាម៉ោង ០៦និង៤០នាទីព្រលប់ថ្ងៃទី៩ ខែកុម្ភៈ ឆ្នាំ២០២២។
ជនសង្ស័យមានឈ្មោះ ហុក ដារ៉ូ ភេទប្រុសអាយុ១៧ឆ្នាំ ជនជាតិខ្មែរ មានទីលំនៅបច្ចុប្បន្ន ភូមិជ្រោយស្វាយកើត ឃុំជ្រោយស្វាយ ស្រុកស្រែអំបិល ខេត្តកោះកុង។
យោងតាមប្រភពព័ត៌មានពីស្នងការដ្ឋាននគរបាលខេត្តកោះកុង នៅថ្ងៃទី១០ ខែកុម្ភៈ ឆ្នាំ២០២២ បានឱ្យដឹងថា លោកវរសេនីយ៏ឯក ហួន នុន អធិការនគរបាលស្រុកស្រែអំបិល បានដឹកនាំកម្លាំងជំនាញគ្រឿងញៀន កម្លាំងព្រហ្មទណ្ឌនិងកម្លាំងប៉ុស្តិ៍នគរបាលរដ្ឋបាលជ្រោយស្វាយ ចុះបង្រ្កាបបានមុខសញ្ញាជួញដូរ រក្សាទុក និងប្រើប្រាស់នូវសារធាតុញៀនខុសច្បាប់ម្នាក់ នៅចំណុចវិទ្យាល័យជ្រោយស្វាយ ស្ថិតក្នុងភូមិជ្រោយស្វាយកើត ឃុំជ្រោយស្វាយ ស្រុកស្រែអំបិល ខេត្តកោះកុង។
ដោយឡែកដកហូតបានរួមមាន៖ ម្សៅក្រាមពណ៌ស ថ្លា សង្ស័យថាជាសារធាតុញៀន ចំនួន ១០តូចនិង០២កញ្ចប់ធំ។
បច្ចុប្បន្នជនសង្ស័យ និងវត្ថុតាងត្រូវបានឃាត់ខ្លួន និងដកហូតយកមកកាន់អធិការដ្ឋានដើម្បីកសាងសំណុំរឿងបញ្ជូនទៅកាន់ការរិយាល័យប្រឆាំងគ្រឿងញៀន នៃស្នងការដ្ឋាននគរបាលខេត្តកោះកុង ចាត់ការបន្ត៕
ដោយ៖សហការី
