សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ បុរសពីរនាក់បានរងរបួសធ្ងន់ ហេីយត្រូវរថយន្តសាមុយដឹកបញ្ចូនទៅកាន់មន្ទីរពេទ្យភ្លាមៗ បន្ទាប់ពីជិះម៉ូតូលឿនមិនប្រយ័ត្នជ្រុលទៅបុកគ្នាត្រង់ចំណុចផ្លូវបំបែក កាលពីវេលាម៉ោង ០៩ និង ៣០នាទីយប់ថ្ងៃទី២០ ខែកុម្ភៈ ឆ្នាំ២០២២ តាមបណ្ដោយផ្លូវឌួងងៀប(ហៅផ្លូវសេះស) ស្ថិតក្នុងសង្កាត់ស្ទឹងមានជ័យទី៣ ខណ្ឌមានជ័យ រាជធានីភ្នំពេញ។
បេីតាមប្រភពពីប្រជាពលរដ្ឋឃើញហេតុការណ៍នេះបានប្រាប់ឲ្យដឹងថា មុនកើតហេតុគេឃើញបុរសម្នាក់ជិះម៉ូតូម៉ាកហុងដាឃ្លីក ពណ៌ខ្មៅ មួយគ្រឿងពាក់ស្លាកលេខភ្នំពេញ1HW-2324 ធ្វើដំណើរចេញពីផ្លូវឌឿងហែមទិសដៅពីលិចទៅកើត លុះមកដល់កែងនឹងផ្លូវឌួងងៀបចំណុចកើតហេតុខាងលើ ក៏មានបុរសម្នាក់ជិះម៉ូតូឌ្រីមសង់មួយគ្រឿងស៊េរីឆ្នាំ២០១៩ ពណ៌ខ្មៅពាក់ស្លាកលេខពោធិ៍សាត់1J-8017 ធ្វើដំណើរតាមបណ្ដោយផ្លូវឌួងងៀបទិសដៅពីជើងទៅត្បូង ក្នុងល្បឿនលឿនចាប់ហ្វ្រ័ងមិនទាន់បុកពីចំហៀងខាងមុខពេញទំហឹង បណ្ដាលឱ្យដួលបោកទៅនឹងថ្នល់រងរបួសធ្ងន់ទាំងសងខាង។ ភ្លាមៗនោះត្រូវបានរថយន្តសង្គ្រោះបន្ទាន់ដឹកយកទៅសង្គ្រោះនៅឯមន្ទីរពេទ្យភ្លាមៗ។
ក្រោយកើតហេតុ សមត្ថកិច្ចមូលដ្ឋានបានចុះមកដល់បានទំនាក់ទំនងទៅសមត្ថកិច្ចជំនាញចរាចរណ៍ចុះមកធ្វើការវាស់វែងយកម៉ូតូទាំងពីរ គ្រឿងទៅរក្សាទុករង់ចាំធ្វើការដោះស្រាយគ្នានៅពេលក្រោយ៕
ដោយ ៖ ភារ៉ា ដង្កោ
