មន្ត្រីឧទ្យានុរក្ស រកឃើញអន្ទាក់ចំនួន២៥អន្ទាក់ និងប្រទេះឃើញជើងសត្វទន្សោងដែលជនល្មើសបានកាត់ទុកចោលក្នុងព្រៃ

ចែករំលែក៖

ខេត្តឧត្តរមានជ័យ-សៀមរាប៖ បច្ចុប្បន្ននេះយេីងសង្កេតឃេីញថា ក្រុមជនល្មើសនៅតែបន្តដាក់អន្ទាក់សត្វព្រែ ដេីម្បីសម្លាប់យកសាច់មកធ្វេីអាជីវកម្មលក់ដូរទៅឱ្យក្រុមឈ្មួញសត្វព្រៃ ខណៈដែលមន្រ្តីឧទ្យានុរក្ស បានប្រទេះឃើញទន្សោងដែលត្រូវជនសង្ស័យដាក់អន្ទាក់រហូតដល់ស្លាប់កាលពីថ្មីៗនេះផងដែរ។

បេីយោងតាមប្រភពព័ត៍មានពីក្រសួងបរិស្ថាន បានឱ្យដឹងថា កាលពីថ្ងៃទី២៣ ខែកុម្ភៈ ឆ្នាំ២០២២ម្សិលមិញនេះ មន្ត្រីឧទ្យានុរក្ស ស្នាក់ការភ្នំអណ្តូង បានចុះល្បាតត្រួតពិនិត្យបទល្មើសធនធានធម្មជាតិ តាមដងអូរផ្នែកខាងជើងភ្នំអណ្ដូង សារអន្ទាក់បានចំនួន២៥អន្ទាក់ និងបានប្រទេះឃើញជើងទន្សោងដែលជនសង្ស័យបានកាត់ទុកចោល។

ជាក់ស្ដែងតាមស្ថានភាពនៅទីកន្លែងឃើញថាសកម្មភាពនោះទើបកើតឡើងថ្មីៗ ក្រុមការងារបានធ្វើការប្រមូលវត្ថុតាងហ៊ុមព័ទ្ធតំបន់នោះ និងតាមដានស៊ើបអង្កេតស្រាវជ្រាវបន្តដើម្បីរកមុខជនល្មើសមកផ្ដន្ទាទោសតាមច្បាប់ស្ដីពីតំបន់ការពារធម្មជាតិ។

ដោយឡែកនៅថ្ងៃដដែលនោះ មន្ទីរបរិស្ថានខេត្តសៀមរាប បានឱ្យដឹងដែរថា៖ មន្រ្តីឧទ្យានុរក្សស្នាក់ការពើងស្វាយ បានចុះល្បាត និងបិទខិត្តប័ណ្ណអប់រំផ្សព្វផ្សាយ និងសរសេរពាក្យថា ”កុំ” តាមដើមឈើមួយចំនួន នៅក្នុងភូមិសាស្ត្រស្រុកជីក្រែង៕