កម្លាំងប៉ុស្ដិ៍នគរបាលរដ្ឋបាលទួលស្វាយព្រៃទី២ ឃាត់ខ្លួនជនសង្ស័យ​០២នាក់ ពាក់ព័ន្ធ​ករណីឆក់ទូរស័ព្ទ​ដៃ

ភ្នំពេញ​៖​ កម្លាំងជំនាញព្រហ្មទណ្ឌបឹងកេងកង សហការជាមួយកម្លាំងប៉ុស្ដិ៍នគរបាលរដ្ឋបាលទួលស្វាយព្រៃទី២ នៅរសៀល​ថ្ងៃទី២៧ ខែកុម្ភៈ ឆ្នាំ២០២២ វេលាម៉ោង១៥​ និង៤០នាទី បានឃាត់ខ្លួនជនសង្ស័យ​ចំនួន០២នាក់ ពាក់ព័ន្ធ​ករណីឆក់ទូរស័ព្ទដៃ នៅចំណុចមុខផ្ទះលេខ១២ ផ្លូវ២០៥ ភូមិ២ ក្រុម៨ សង្កាត់ទួលស្វាយព្រៃ២ ខណ្ឌបឹងកេងកង ​រាជធានីភ្នំពេញ។

ជនសង្ស័យឃាត់ខ្លួន០២នាក់នេះ៖​ ទី១- ឈ្មោះ សុខ ណាង ហៅណាង ភេទប្រុស ជនជាតិខ្មែរ ស្នាក់នៅផ្ទះជួលគ្មានលេខ ផ្លូវ២១៧ សង្កាត់បឹងសាឡាង ខណ្ឌទួកគោក រាជធានីភ្នំពេញ មុខរបរ កម្មករសំណង់។​ និងទី២-ឈ្មោះ ហ៊ុន រិទ្ធ ភេទ ប្រុស ជនជាតិខ្មែរ ស្នាក់នៅផ្ទះជួលគ្មានលេខផ្លូវលំ សង្កាត់បឹងសាឡាង ខណ្ឌទួលគោក រាជធានីភ្នំពេញ មុខរបរ សិស្ស។​

ចំណែកជនរងគ្រោះឈ្មោះ កែវ សុវណ្ណពេជ្រ ភេទស្រី អាយុ២៥ឆ្នាំ ​ជជនជាតិខ្មែរស្នាក់នៅផ្ទះលេខ៦៨៨ ភូមិមានជ័យ សង្កាត់ស្ទឹងមានជ័យ ខណ្ឌមានជ័យ រាជធានីភ្នំពេញ មុខរបរ បុគ្គលិកក្រុមហ៊ុន។​

វត្ថុតាងចាប់យក៖ ម៉ូតូម៉ាក HONDA សេ125 ស៊េរីឆ្នាំ២០១៨ ពណ៌ខ្មៅ ពាក់ស្លាកលេខ ភ្នំពេញ -1HC-1177 ជារបស់ជនសង្ស័យ, ទូរស័ព្ទដៃម៉ាក IPhone 12pro max ពណ៌ទឹកប្រាក់ ជារបស់ជនរងគ្រោះ។ ក្រោយកើតហេតុសមត្ថកិច្ចបានប្រគល់ឲ្យជនរងគ្រោះវិញតាមពាក្យស្នើរសុំ។

បច្ចុប្បន្នជនសង្ស័យ​ រួមនិងវត្ថុតាង កំពុងឃាត់ខ្លួនបណ្ដោះអាសន្ន នៅអធិការដ្ឋាននគរបាលខណ្ឌបឹងកេងកង ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការបន្តតាមនីតិវីធីច្បាប់៕

ដោយ​៖ជីណា