សារព័ត៌មាន នគរវត្ត តែងតែនាំមុខគេជានិច្ច
នៅក្នុងកិច្ចប្រជុំជាមួយតំណាងរាស្ត្រអាមេរិកនាពេលថ្មីៗនេះ រដ្ឋាភិបាលទីក្រុងកៀវបានបញ្ជាក់ថា គ្រាប់រំសេវជិតអស់ហើយ ពិសេសគឺមីស៊ីលការពារដែនអាកាស រ៉ុក្កែតប្រឆាំងរថក្រោះ។
សារព័ត៌មាន Politico បានផ្សាយថា ឯកអគ្គរដ្ឋទូតអ៊ុយក្រែនប្រចាំនៅអាមេរិក លោកស្រី Oksana Markarova បានបញ្ជាក់នៅក្នុងកិច្ចប្រជុំជាមួយតំណាងរាស្ត្រអាមេរិកថា បច្ចុប្បន្នទីក្រុងកៀវជិតអស់ប្រព័ន្ធការពារដែនអាកាសចល័ត ប្រភេទ Stinger និងមីស៊ីល Javelin ដែលប្រទេសនេះមាន។
កាំជ្រួចមីស៊ីល Stinger ដែលអ៊ុយក្រែនមានគឺទទួលបានពីអឺរ៉ុបនាពេលកន្លងមក(មុនសង្គ្រាម) រួមទាំងកាំជ្រួចមីស៊ីលប្រឆាំងរថក្រោះបំពាក់លើស្មាប្រភេទ Javelin ។ លោកស្រីបញ្ជាក់ទៀតថា កម្លាំងទាហានអ៊ុយក្រែនពិតជាត្រូវការ អាវុធបន្ថែមទៀតដើម្បីការពាររដ្ឋធានី ៕ដោយ៖ ធីរីណា
ប្រភពរូបថត៖m.kienthuc.net.vn
