សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ចាម ៖ នៅព្រឹកថ្ងៃទី០៧ ខែមីនា ឆ្នាំ២០២២ លោកឧត្តមសេនីយ៍ទោ ឯម កុសល ស្នងការនគរបាលខេត្តកំពង់ចាម បានចុះត្រួតពិនិត្យ ការធ្វេីតេស្តរកមេរោគកូវីដ-១៩ ដល់មន្ត្រីថ្មីជំនាន់ទី២ និងចុះត្រួតពិនិត្យការរៀបចំសាលប្រជុំ ដែលត្រៀមរៀបចំពិធីបិទវគ្គបណ្ដុះបណ្ដាលមន្រ្តីថ្មីជំនាន់ទី២ រយៈពេល១ខែ និងបំពាក់ឋារន្តស័ក្ដិដល់មន្រ្តីនគរបាលជាតិក្របខ័ណ្ឌថ្មី នៅរសៀលថ្ងៃនេះ ។
បន្ទាប់មកចុះត្រួតពិនិត្យ និងបានបន្ត នាំយកអំណោយដ៍ថ្លៃថ្លារបស់ លោកនាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ នូវថវិកា និងគ្រឿងឧបភោគបរិភោគមួយចំនួនដូចជា អង្ករ, ទឹកសុទ្ធ, ទឹកក្រូច, មី និងម៉ាស់ ឧបត្ថម្ភដល់ការិយាល័យ អន្តរាគមន៍ និងតម្រួតបទបញ្ជា ការិយាល័យនគរបាលបង្ការ ពន្លត់អគ្គិភ័យ និងសង្រ្គោះ និងការិយាល័យសុខាភិបាល នៃស្នងការដ្ឋាននគរបាលខេត្តកំពង់ចាម ដេីម្បជួយសម្រួលដល់ការប្រេីប្រាស់ និងបរិភោគប្រចាំថ្ងៃ ដល់កងកម្លាំងដែលត្រៀមអន្តរាគមន៍ ២៤/២៤ម៉ោង ជូនដល់ប្រជាពលរដ្ឋ ពេលមានហេតុការណ៍មិនប្រក្រតីកេីតឡេីង ផងដែរ ។
សរុបថវិកាចំណាយទាំងអស់ ១,៨៨០,០០០ រៀល ៕
ដោយ៖ វណ្ណៈ
