សារព័ត៌មាន នគរវត្ត តែងតែនាំមុខគេជានិច្ច
ខេត្តកំពង់ស្ពឺ ៖ មុខសញ្ញាសង្ស័យពាក់ព័ន្ធនឹងគ្គ្រឿងញៀនចំនួន ៥នាក់ ត្រូវបានកម្លាំងអធិការដ្ឋាននគរបាលស្រុកឧដុង្គ បង្ក្រាបនៅវេលាម៉ោង៤ រសៀលថ្ងៃទី១៨ ខែមីនា ឆ្នាំ២០២២នៅចំណុចភូមិស្ដុកតោល ឃុំចាន់សែន ស្រុកឧដុង្គ ខេត្តកំពង់ស្ពឺ។
មន្រី្តនគរបាលស្រុកឧត្តុង្គបានឲ្យដឹងថាក្នុងកិច្ចប្រតិបត្តិការនេះ សមត្ថកិច្ចបានឃាត់ខ្លួនជនសង្ស័យចំនួន៥នាក់ ទី ១-ឈ្មោះ សុខ រស់ ភេទ ប្រុស អាយុ ២២ឆ្នាំ នៅភូមិវាលអន្សាយ ឃុំចាន់សែន ស្រុកឧដុង្គ ទី២-ឈ្មោះ ស៊ីម ឆេងហៀង ភេទ ប្រុស អាយុ ២៦ឆ្នាំ ទី៣-ឈ្មោះ អាត សំអុល ភេទ ប្រុស អាយុ ១៧ឆ្នាំ ទាំង២នាក់នៅភូមិស្ដុកតោលចាស់ ឃុំចាន់សែន ស្រុកឧដុង្គ ទី៤-ឈ្មោះ ខន ខៅ ភេទ ប្រុស អាយុ ២០ឆ្នាំ នៅភូមិដំបូកស ឃុំក្សេមក្សាន្ដ ស្រុកឧដុង្គ ទី៥-ឈ្មោះ អ៊ុច សម្បត្តិ ភេទ ប្រុស អាយុ ២៤ឆ្នាំ នៅភូមិមនោរម្យ ឃុំមនោរម្យ ស្រុកថ្ពង ខេត្តកំពង់ស្ពឺ ។
ជាមួយនេះសមត្ថកិច្ចដកហូតបានថ្នាំញៀនប្រភេទម្សៅសថ្លា ចំនួន ១២ កញ្ចប់(៨កញ្ចប់ធំ និង៤កញ្ចប់មធ្យម) ទូរស័ព្ទដៃ ៥ គ្រឿង និងសម្ភារៈវិចខ្ចប់ថ្នាំញៀនមួយចំនួន។
ប្រភពដដែលបានឲ្យដឹងទៀតថា កន្លងមកជនសង្ស័យទាំងនេះតែងប្រព្រឹត្តអំពើជួញដូរនឹងសេពគ្រឿងញៀនជាញឹកញាប់នៅឃុំខាងលើ ដែលសមត្ថកិច្ចតាមប្រមាញ់ច្រើនលើកមកហើយ។ ទើបតែពេលនេះក្របួចបាន ៥នាក់និងសេសសល់ពីនេះច្រើននាក់ទៀត កំពុងតាមចាប់ខ្លួនយកមកផន្ទាទោសតាមច្បាប់។
បច្ចុប្បន្នជនសង្ស័យទាំង ៥ នាក់កំពុងត្រូវបានកម្លាំងនគរបាលស្រុកឧដ្ដុង្គកសាងសំណុំរឿងបញ្ជូនទៅសាលាដំបូងខេត្តកំពង់ស្ពឺដើម្បីបន្តនីតិវិធីហើយ ៕
ដោយ ៖ ប្រាថ្នា
