សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ រថយន្តឡិចសុីសRX330មួយគ្រឿង បានបេីកទៅបុករថយន្តស៊េរីទំនេីបម៉ាកមែរសឺដេស នៅត្រង់ចំណុចផ្លូវបំបែកជាបួន បណ្ដាលឱ្យរងការខូចខាត ខណៈដែលភាគីទាំងសងខាងជាជនជាតិចិនដូចគ្នា ។ ហេតុការណ៍គ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១រំលងអធ្រាត្រឈានចូលថ្ងៃទី២៦ ខែមីនា ឆ្នាំ២០២២ នៅតាមបណ្ដោយផ្លូវលេខ៩៦ កែងនឹងផ្លូវលេខ៤៣៦ ក្នុងសង្កាត់បឹងត្របែក ខណ្ឌចំការមន រាជធានីភ្នំពេញ ។
បេីតាមប្រភពព័ត៌មាននៅកន្លែងកេីតហេតុបានឱ្យដឹងថា នៅពេលកេីតហេតុរថយន្តស៊េរីទំនេីបម៉ាកមែរសឺដេស ពណ៌ខ្មៅ ពាក់ស្លាកលេខភ្នំពេញ 2AN-1528 ដែលបេីកបរដោយជនជាតិចិនបានធ្វេីដណេីរតាមបណ្ដោយផ្លូវលេខ៩៦ពីជេីងទៅត្បូងក្នុងល្បឿនលឿនល្មម ខណៈមកដល់ចំណុចកេីតហេតុក៏មានរថយន្តមួយគ្រឿងទៀតម៉ាក ឡិចសុីស RX330 ពណ៌ស ពាក់ស្លាកលេខភ្នំពេញ 2BF-9147 ដែលបេីកបរដោយជនជាតិចិនដូចគ្នា ធ្វេីដំណេីរតាមបណ្ដោយផ្លូវលេខ៤៣៦ពីលិចទៅកេីតក្នុងល្បឿនលឿនល្មម និងមិនប្រយ័ត្នបានជ្រុលទៅបុករថយន្តស៊េរីទំនេីបម៉ាកមែរសឺដេសចំពីចំហៀងទ្វារខាងស្ដាំរងការខូចខាត រីឯរថយន្តឡិចសុីស ក៏រងការខូចខាតផ្នែកខាងមុខផងដែរ តែក្នុងហេតុការណ៍នេះមិនបង្កឱ្យមនុស្សណាម្នាក់រងរបួសនោះឡេីយ ។
ក្រោយកេីតហេតុ សមត្ថកិច្ចមូលដ្ឋានបានចុះទៅដល់ តែភាគីទាំងសងខាងជាជនជាតិចិនដូចគ្នាអាចនិយាយជាមួយគ្នាបាន ក៏សុំសមត្ថកិច្ចដោះស្រាយដោយខ្លួនឯង ដេីម្បីបញ្ចប់រឿងយករថយន្តចេញពីកន្លែងកេីតហេតុ ៕
ដោយ ៖ ភារ៉ា ដង្កោ
