សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ ស្រ្តីម្នាក់ត្រូវបាននគរបាលខណ្ឌឫស្សីកែវឃាត់ខ្លួនពីបទបើកលេងល្បែងស៊ីសង(ឆ្នោតវៀតណាម)ខុសច្បាប់ នៅថ្ងៃទី២៧ ខែមីនា ឆ្នាំ២០២២ វេលាម៉ោង១៥និង ០០នាទីរសៀល នៅចំណុចផ្ទះលេខV២៤៨ផ្លូវបេតុង ក្រុមទី១២ ភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ។
លោកវរសេនីយ៍ឯក ហ៊ាង ថារ៉េត អធិការនគរបាលខណ្ឌឫស្សីកែវបានឱ្យដឹងថា នៅថ្ងៃកេីតហេតុខាងលេីជនសង្ស័យបានអង្គុយកត់ឆ្នោតវៀតណាមត្រូវបានកម្លាំងសមត្ថកិច្ចធ្វើការបង្រ្កាបនិងឃាត់ខ្លួនរួមនឹងដកហូតវត្ថុតាងយកមកអធិការដ្ឋានខណ្ឌឫស្សីកែវ។
ជនសង្ស័យឈ្មោះអេង ចិន្តា ភេទស្រីអាយុ៤៣ឆ្នាំ មានទីលំនៅផ្ទះកើតហេតុខាងលើ (មិនប្រើប្រាស់សារធាតុញៀន និងអវិជ្ជមានកូវីដ-១៩)។
- សម្ភារៈដកហូតមាន ម៉ាស៊ីនគិតលេខចំនួន១គ្រឿង, ក្រដាសកត់ឆ្នោតមួយចំនួន, ប៊ិកចំនួន១ដើម, ទឹកលុបចំនួន១ដើម និងប្រាក់ចំនួន៤០.០០០រៀល។
ចំពោះមុខ សមត្ថកិច្ចជំនាញនៃអធិការដ្ឋានបានកសាងសំណុំរឿងបញ្ជូនទៅថ្នាក់លើតាមនីតិវិធី៕
ដោយ ៖ ជីណា
