សារព័ត៌មាន នគរវត្ត តែងតែនាំមុខគេជានិច្ច
ខេត្តស្វាយរៀង ៖ យ៉ាងហោចណាស់កម្មករកម្មការិនី ១៨ នាក់បានរងរបួសធ្ងន់ស្រាលដោយសារករណីគ្រោះថ្នាក់ចរាចរណ៍បន្ទាប់ពីអ្នកបេីកបររថយន្ត វ៉ាជែងក្នុងស្ថានភាពគ្រោះថ្នាក់បណ្ដាលឲ្យរថយន្តផ្អៀងធ្លាក់ប្រឡាយថ្នល់ ចាក់មនុស្សពាសពេញផ្លូវបង្កការភ្ញាក់ផ្អើលដល់អ្នកភូមិនិងអ្នកធ្វើដំណើររាយការណ៍មកសមត្ថកិច្ចមកកាន់មន្ទីរពេទ្យ។
ហេតុការណ៍នេះបានកើតឡើងកាលពីវេលាម៉ោង៦និង៣០នាទីព្រលប់ថ្ងៃទី៣០ខែមីនាឆ្នាំ២០២២ នៅលើផ្លូវ៣៣៤ ស្ថិតនៅចំណុចភូមិ ត្រពាំងកំពឹស ឃុំខ្សែត្រ ស្រុកកំពង់រោទ៍ ខេត្តស្វាយរៀង ។
យោងតាមលោក ហែម សាមុត អធិការនគរបាលស្រុកបានឲ្យដឹងថាអ្នកបើករថយន្ដបង្កហេតុត្រូវបានស្គាល់ឈ្មោះ មុឹក រតនា អាយុ ២៤ឆ្នាំ មុខរបរ អ្នកបើកបររថយន្តដឹកកម្មករមានទីលំនៅភូមិបន្ទាយក្រាំង ឃុំបន្ទាយក្រាំង ស្រុកកំពង់រោទ៍ ខេត្តស្វាយរៀង ក្រោយឃើញសភាពមិនស្រួលបានរត់គេចខ្លួនភ្លាមៗបន្សល់តែរថយន្តនៅនឹងកន្លែងកើតហេតុ។
បើតាមសាក្សីបានឲ្យដឹងថាមុនពេលកើតហេតុមានរថយន្តដឹកកម្មករមួយគ្រឿងម៉ាក ហុីយ៉ាន់ដាយ ពណ៌ ស ពាក់ស្លាកលេខ ស្វាយរៀង ៣A-២៤៥៨ នៅលើផ្លូវ៣៣៤ ទិសដៅពីកេីតទៅលិចដោយបេីកបរ វ៉ាជែងក្នុងស្ថានភាពគ្រោះថ្នាក់បណ្ដាលឲ្យរថយន្តផ្អៀងធ្លាក់ប្រឡាយថ្នល់ ចាក់មនុស្សចោលពេញផ្លូវបង្កការភ្ញាក់ផ្អើលដល់អ្នកភូមិនិងអ្នកធ្វើដំណើររាយការណ៍មកសមត្ថកិច្ច។
ចំណែកកម្មករកម្មការិនីទាំង១៨នាក់ របួសធ្ងន់៣នាក់ស្រី ត្រូវបានសមត្ថកិច្ចជួយសង្គ្រោះដឹកមកកាន់មន្ទីរពេទ្យបង្អែកស្រុកស្វាយទាប។
បច្ចុប្បន្នសមត្ថកិច្ចបានវាស់វែងនិងអូសយក វត្ថុតាងយកមករក្សាទុកនៅប៉ុស្តិ៍នគរបាលរដ្ឋបាលខ្សែត្រ ដើម្បីដោះស្រាយពេលក្រោយតាមច្បាប់ ៕
ដោយ៖យឹម សុថាន
