សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ៖ ខ្មាន់កាំភ្លេីងម្នាក់បានបេីករថយន្តស៊េរីទំនេីបម៉ាក Ford មួយគ្រឿងពាក់ស្លាកលេខនគរបាលបានដកកាំភ្លើងខ្លីបាញ់មេឃមួយគ្រាប់បង្កការភ្ញាក់ផ្អេីលកាលពីវេលាម៉ោង១២និង៣០នាទីរំលងអធ្រាត្រឈានចូលថ្ងៃទី១ ខែមេសា ឆ្នាំ២០២២ នៅចំណុចផ្លូវលេខ២៥៧កែងផ្លូវលេខ១៨៦ ស្ថិតក្នុងសង្កាត់ទឹកល្អក់៣ ខណ្ឌទួលគោក។
តាមប្រភពព័ត៌មានបានឱ្យដឹងថា មុនពេលកេីតហេតុគេបានឃេីញរថយន្តម៉ាកFord មួយគ្រឿងពាក់ស្លាកលេខនគរបាល បានបើកមកឈប់នៅទីតាំងកន្លែងកេីតហេតុ ហេីយមិនដឹងថាមានរឿងអ្វីនោះទេស្រាប់តែអ្នកបើកបររថយន្តនោះបានដកកាំភ្លេីងខ្លីបាញ់មេឃមួយគ្រាប់ រួចហើយបានបេីករថយន្តគេចខ្លួនបាត់នបន្សល់តែសំបកគ្រាប់នៅកន្លែងកេីតហេតុ។
ក្រោយកេីតហេតុសមត្ថកិច្ចមូលដ្ឋានបានត្រឹមយកសំបកគ្រាប់ទៅរក្សាទុករង់ចាំធ្វើការស្រាវជ្រាវបន្តទៀត៕
ដោយ៖សុខាសែនជ័យ
