សារព័ត៌មាន នគរវត្ត តែងតែនាំមុខគេជានិច្ច
ភ្នំពេញ ៖ នាពេលបច្ចុប្បន្ននេះ ជំងឺកូវីដ-១៩ ជាពិសេសជំងឺដែលបំប្លែងថ្មី អូមីក្រុង កំពុងតែរីករាលដាលនៅក្នុងប្រទេសកម្ពុជា ហើយរីករដ្ឋាភិបាលកម្ពុជា កំពុងយកចិត្តទុកដាក់ក្នុងការទប់ស្តាត់ និង ជំរុញឲ្យអាជ្ញាធរទាំង១៤ខណ្ឌយកទឹកទុកដាក់ ចំពោះបងប្អូនប្រជាពលរដ្ឋដែលរងទុក្ខលំបាក ជីវភាព ក្នុងអំឡុងពេលជំងឺនេះ កំពុងរីករាលដាល។
ជាក់ស្តែងនៅថ្ងៃទី០៤ ខែមេសា ឆ្នាំ២០២២ លោក ឯក ឃុនដឿន អភិបាល នៃគណៈអភិបាលខណ្ឌឫស្សីកែវ បាននាំយកអំណោយដ៏ថ្លៃថ្លារបស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយ: លោក ឃួង ស្រេង អភិបាល នៃគណៈអភិបាលរាជធានីភ្នំពេញ ជូនដល់គ្រួសារសពដែលស្លាប់ដោយសារជំងឺកូវីដ-១៩ នៅក្នុងមូលដ្ឋានខណ្ឌឫស្សីកែវ ចំនួន ១២ គ្រួសារ ក្នុងនោះមួយគ្រួសារទទួលបាន ៖ ថវិកា ២លាន អង្ករ ២៥គីឡូក្រាម មី ១កេស ទឹកត្រី ១យួរ និង ត្រីខ ១ យួរផងដែរ។
ចុងក្រោយ លោក ឯក ឃុន ដឿន អភិបាលខណ្ឌឬស្សីកែវបានបានសំណូមពរ ឲ្យប្រជាពលរដ្ឋក្នុងមូលដ្ឋានទាំងអស់ត្រូវរក្សា ៣កុំ ៣ការពារ រក្សាគម្លាតឲ្យបានត្រឹមត្រូវក្នុងការប្រយុទ្ធប្រឆាំងជំងឺកូវីដ-១៩ មិនឲ្យរីករាលដាលក្នុងសហគមន៍បន្តទៀត៕
ដោយ ៖ រ៉ារ៉ា
